മലപ്പുറം: മലപ്പുറത്ത് നവവധു ജീവനൊടുക്കി. നിറത്തിന്റെ പേരില് ഭര്ത്താവ് തുടര്ച്ചയായി നടത്തിയ അവഹേളനം സഹിക്കവയ്യാതെയാണ് കൊണ്ടോട്ടി സ്വദേശിനി ഷഹാന മുംതാസ് (19) ജീവനൊടുക്കിയത്. രാവിലെ പത്ത് മണിയോടെയാണ് മുംതാസിനെ വീട്ടില് തൂങ്ങിമരിച്ച നിലയില് കണ്ടെത്തിയത്. മാനസിക പീഡനം മൂലമാണ് പെണ്കുട്ടി മരിച്ചതെന്ന ആരോപണവുമായി കുടുംബം രംഗത്തെത്തി. നിറത്തിന്റെ പേരില് ഭര്ത്താവ് നിരന്തരം മാനസികമായി ഉപദ്രവിച്ചുവെന്നാണ് ആരോപണം.
Also Read: കായിക താരത്തെ പീഡിപ്പിച്ച കേസ്; ഇനി പിടിയിലാകാനുള്ളത് 15 പേർ
മുംതാസിന് നിറം കുറവാണെന്ന് പറഞ്ഞായിരുന്നു കുറ്റപ്പെടുത്തല്. ഇതിന്റെ പേരില് വിവാഹ ബന്ധം വേര്പ്പെടുത്താന് നിര്ബന്ധിച്ചു. ഇംഗ്ലീഷ് സംസാരിക്കാന് അറിയില്ലെന്ന് പറഞ്ഞും അവഹേളിച്ചു. ഭര്ത്താവ് മൊറയൂര് സ്വദേശി അബ്ദുല് വാഹിദിനും മാതാപിതാക്കള്ക്കും എതിരെയാണ് ആരോപണം. 2024 മെയ് 27 ന് ആയിരുന്നു ഇരുവരുടേയും വിവാഹം.