തൃശൂര് : പ്രായപൂർത്തിയാകാത്ത പെണ്കുട്ടികളെ അശ്ലീല വിഡിയോകൾ കാണിച്ച് ലൈംഗികാതിക്രമം നടത്തിയ പ്രതിയെ അറസ്റ്റ് ചെയ്തു. അയ്യന്തോൾ സ്വദേശി ദേവരാജ് (59) നെയാണ് അന്തിക്കാട് പോലീസ് അറസ്റ്റ് ചെയ്തതത്. പ്രതി സർക്കാർ സ്കൂളിലെ പാർട്ട് ടൈം സ്വീപ്പറാണ്. പ്രതി അതിക്രമം നടത്തിയത് നാലോളം പെൺകുട്ടികൾക്ക് നേരെയാണ്. വിദ്യാർത്ഥിനികൾ രക്ഷിതാക്കളോട് വിവരം പറഞ്ഞതിനെത്തുടര്ന്ന് അധ്യാപകർ അന്തിക്കാട് പോലീസിൽ പരാതി നൽകുകയായിരുന്നു. എസ്ഐ കെ. അജിത്തിന്റെ നേതൃത്വത്തിലുള്ള പോലീസ് സംഘമാണ് പ്രതിയെ പിടി കൂടിയത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.
അശ്ലീല വിഡിയോകൾ കാണിച്ച് ലൈംഗികാതിക്രമം; പ്രതി അറസ്റ്റില്
നാലോളം പെൺകുട്ടികൾക്ക് നേരെയാണ് പ്രതി ലൈംഗികാതിക്രമം നടത്തിയത്
