മുംബൈ: ദീപാവലി ആശംസയുമായി തമിഴക വെട്രി കഴകം (ടിവികെ) പാര്ട്ടി അധ്യക്ഷനും നടനുമായ വിജയ്. എക്സിലൂടെയാണ് വിജയ് ആശംസകൾ പങ്കുവെച്ചത്. ‘ദീപാവലിയുടെ നിറഞ്ഞ വെളിച്ചത്തില് ഇരുട്ട് അകന്നുപോകട്ടെ. നല്ല പ്രഭാതം പ്രത്യക്ഷപ്പെടട്ടെ. എല്ലാ വീടുകളിലും സ്നേഹവും സമാധാനവും സമ്പത്തും നിലനില്ക്കട്ടെ. നമുക്ക് ദീപാവലി സുരക്ഷിതമായി ആഘോഷിക്കുകയും ആസ്വദിക്കുകയും ചെയ്യാം. എല്ലാ ദീപാവലി ആശംസകളും നേരുന്നു’ – എന്നായിരുന്നു എക്സിൽ പങ്കുവെച്ച കുറിപ്പ്.
Also Read: വിജയ് ഇനി ഷൂട്ടിംഗ് തിരക്കിലേക്ക്; ദളപതി 69ന്റെ അടുത്ത ഷെഡ്യൂള് ചെന്നൈയില്
സിനിമ ജീവിതം അവസാനിപ്പിക്കാൻ തീരുമാനിച്ച വിജയ് തന്റെ സിനിമ ജീവിതത്തിലെ അവസാന ചിത്രത്തിന്റെ (ദളപതി 69) ഒരുക്കത്തിലാണ്. ചിത്രത്തിന്റെ ഷൂട്ടിങ് ദീപാവലിക്ക് പിന്നാലെ ആരംഭിക്കുമെന്നും വിജയ് നവംബര് നാലിന് സെറ്റില് ചേരുമെന്നുമാണ് പുതിയ റിപ്പോര്ട്ടുകള്. എച്ച്. വിനോദാണ് ചിത്രം സംവിധാനം ചെയ്യുന്നത്. രാഷ്ട്രീയ പശ്ചാത്തലത്തിലുള്ളതാണ് സിനിമ എന്നാണ് പുറത്തുവന്ന റിപ്പോർട്ടുകൾ.
