കാഠ്മണ്ഡു: ടിബറ്റിലും നേപ്പാളിലും ഭൂചലനം. റിക്ടര് സ്കെയിലില് 7.1 തീവ്രത രേഖപ്പെടുത്തിയ ഭൂചലനമാണുണ്ടായത്. കാഠ്മണ്ഡു അടക്കം പ്രധാന നഗരങ്ങളില് ഭൂചലനം അനുഭവപ്പെട്ടു. ഇന്ത്യയിലെ ചില ഭാഗങ്ങളില് പ്രകമ്പനമുണ്ടായി.
Also Read: ഗാസ വെടിനിര്ത്തല്: ജോ ബൈഡന് ഭരണകൂടം അവസാനവട്ട മധ്യസ്ഥ ശ്രമം ശക്തമാക്കി
ഇന്ത്യന് സമയം 6.35നാണ് ഭൂകമ്പമുണ്ടായത്. വടക്കന് നേപ്പാളായിരുന്നു പ്രഭവ കേന്ദ്രം. ടിബറ്റില് നേപ്പാള് അതിര്ത്തിക്കടുത്തായാണ് റിക്ടര് സ്കെയിലില് 7.1 തീവ്രത രേഖപ്പെടുത്തിയത്. ബിഹാറിലും അസമിലും പ്രകമ്പനമുണ്ടായി. ചൈനയുടെയും ബംഗ്ലാദേശിന്റെയും ചില ഭാഗങ്ങളിലും ഭൂചലനം അനുഭവപ്പെട്ടു. ആളുകള് ഭയന്ന് വീടുകള്ക്കും അപ്പാര്ട്ടുമെന്റുകള്ക്കും പുറത്തിറങ്ങി. അതേസമയം നാശനഷ്ടങ്ങളുണ്ടായിട്ടുണ്ടോ എന്ന് ഇപ്പോള് വ്യക്തമല്ല.