ആമിര്‍ ഖാൻ നായകനായി എത്തിയ പുതിയ ചിത്രമാണ് സിതാരെ സമീൻ പര്‍. സമീപകാല പരാജയങ്ങളുടെ പശ്ചാത്തലത്തില്‍ വലിയ ആശങ്കയോടെയാണ് ആമിര്‍ ഖാൻ ആരാധകര്‍ സിതാരെ സമീൻ പര്‍ കാണാനെത്തിയത്. എന്നാല്‍ സിതാരെ സമീൻ പര്‍ ബോക്സ് ഓഫീസില്‍ തകർപ്പൻ പ്രകടനമാണ് കാഴ്ചവെയ്ക്കുന്നത് എന്നാണ് കണക്കുകള്‍ സൂചിപ്പിക്കുന്നത്. പതിനാറാം ദിവസം ഹിന്ദിയില്‍ മാത്രം 5 കോടി നേടിയ ചിത്രം ആഗോള ബോക്സ് ഓഫീസില്‍ 217.5 കോടി ഇതിനകം നേടിക്കഴിഞ്ഞപ്പോള്‍ വിദേശത്ത് മാത്രം 52 കോടി രൂപയും നേടി.
അതേസമയം ചിത്രം ഒടിടി റിലീസ് വേണ്ടെന്ന് വച്ച് തിയറ്ററുകളിലേക്ക് മാത്രമായാണ് എത്തിച്ചിരിക്കുന്നത്. സിതാരെ സമീൻ പര്‍ സ്‍പാനിഷ് ചിത്രം ചാമ്പ്യൻസിന്റെ ഹിന്ദി റീമേക്കായി ഒരുക്കിയതാണെങ്കിലും താരെ സമീൻ പറിന്റെ തുടര്‍ച്ചയെന്നോണമാണ് തിയറ്ററുകളില്‍ എത്തിച്ചിരിക്കുന്നതെന്നാണ് റിപ്പോര്‍ട്ട്. സിതാരെ സമീൻ പറിൻ്റെ സംവിധാനം നിർവഹിച്ചിരിക്കുന്നത് ആര്‍ എസ് പ്രസന്നയാണ്.
Also Read: ഒടിടി റിലീസിന് ശേഷവും ‘എയറിലായി’ കമൽ ഹാസൻ ചിത്രം തഗ് ലൈഫ് !
ആമിര്‍ ഖാൻ നായകനായി പ്രദര്‍ശനത്തിന് മുമ്പ് വന്ന ലാല്‍ സിംഗ് ഛദ്ധ പരാജയപ്പെട്ടിരുന്നു. ലാല്‍ സിംഗ് ഛദ്ധ സിനിമയിലെ തന്റെ പ്രകടനം മോശമായിരുന്നുവെന്ന് നടൻ ആമിര്‍ ഖാനും സമ്മതിച്ചിരുന്നുന്നു. അതുകൊണ്ടാണ് ജനങ്ങള്‍ക്ക് ഇഷ്‍ടമാകാതിരുന്നതെന്നും ആമിര്‍ ഖാൻ പറഞ്ഞിരുന്നു. സിത്താരെ സമീൻ പറില്‍ താൻ തെറ്റുകള്‍ തിരുത്തിയിട്ടുണ്ട് എന്നും ഒരു മികച്ച ചിത്രമായിരിക്കും എന്നും ആമിര്‍ വ്യക്തമാക്കിയിരുന്നു.
