ദുബായ്: കഴിഞ്ഞ മാസത്തെ ഏറ്റവും മികച്ച പുരുഷ ക്രിക്കറ്റ് താരത്തിനുള്ള ഐസിസി പുരസ്കാരം സ്വന്തമാക്കി ഇന്ത്യൻ ഓപ്പണർ ശുഭ്മൻ ഗിൽ. ഓസ്ട്രേലിയയുടെ സ്റ്റീവ് സ്മിത്ത്, ന്യൂസിലൻഡ് താരം ഗ്ലെൻ ഫിലിപ്സ് എന്നിവരെ മറികടന്നാണ് ഗിൽ പുരസ്കാരം സ്വന്തമാക്കിയത്.
കഴിഞ്ഞ മാസം നടന്ന അഞ്ച് ഏകദിന മത്സരങ്ങളിൽ നിന്നായി 101.50 ശരാശരിയിൽ 406 റൺസാണ് ഇരുപത്തിയഞ്ചുകാരനായ താരം സ്വന്തമാക്കിയത്. ഇത് മൂന്നാം തവണയാണ് ഗിൽ ഈ പുരസ്കാരം സ്വന്തമാക്കുന്നത്. ഏകദിന ബാറ്റർമാരുടെ ഐസിസി റാങ്കിങ്ങിലും ഗില്ലാണ് ഒന്നാം സ്ഥാനത്ത്.
