കല്പ്പറ്റ: വയനാട് ഉരുള്പൊട്ടലില് ഉറ്റവരെയും അപകടത്തില് പ്രതിശ്രുത വരനെയും നഷ്ടപ്പെട്ട ശ്രുതി ഇന്ന് സര്ക്കാര് ജോലിയില് പ്രവേശിക്കും. റവന്യൂ വകുപ്പിലെ ക്ലര്ക്ക് ആയാണ് ശ്രുതിക്ക് സര്ക്കാര് ജോലി നല്കിയിരിക്കുന്നത്. രാവിലെ ഒൻപതിന് കളക്ടറേറ്റിൽ എത്തിയാണ് റവന്യുവകുപ്പിൽ ക്ലർക്കായി ചുമതലയേൽക്കുക. ശ്രുതിയുടെ താല്പര്യം കണക്കിലെടുത്ത് വയനാട് കളക്ടറേറ്റില് തന്നെയാണ് നിയമനം.
Also Read:ബിജെപി സംസ്ഥാന കോര് കമ്മിറ്റി യോഗം ഇന്ന് കൊച്ചിയില്
സർക്കാർജോലി നൽകുമെന്ന് മുഖ്യമന്ത്രിയും റവന്യുമന്ത്രി കെ. രാജനും പ്രഖ്യാപിച്ചിരുന്നു. കഴിഞ്ഞമാസമാണ് റവന്യൂ വകുപ്പിൽ നിയമനം നൽകിയുള്ള സർക്കാർ ഉത്തരവ് പുറത്തിറങ്ങിയത്. ജോലിയിൽ പ്രവേശിക്കുന്ന ശ്രുതിയെ ടി. സിദ്ദിഖ് എം.എൽ.എ. വീട്ടിലെത്തി അഭിനന്ദിച്ചിരുന്നു.
