തിരുവനന്തപുരം: കോണ്ഗ്രസിലെ അനൈക്യം മുന്നണിയില് അരോചകമായി മാറുന്നുവെന്ന് ഷിബു ബേബി ജോണ്. എല്ലാം മാധ്യമസൃഷ്ടി ആണെന്ന് പറയുന്നത് ശരിയല്ല. തീയില്ലാതെ പുകയുണ്ടാകില്ല എന്നാണ് RSP വിശ്വസിക്കുന്നത്. യുഡിഎഫില് ഇപ്പോള് മുഖ്യമന്ത്രി ചര്ച്ചയ്ക്കുള്ള സാഹചര്യമല്ല. പിണറായി വിജയന്റെ ഭരണം 2026 ഓടെ അവസാനിക്കും. ആരു മുഖ്യമന്ത്രിയാകുമെന്നുള്ളത് തിരഞ്ഞെടുപ്പിന് ശേഷം തീരുമാനിക്കാമെന്നും ഷിബു ബേബി ജോണ് പറഞ്ഞു.
Also Read: ബിജെപിയിൽ വൻ അഴിച്ചുപണി
ഗാന്ധിജിയുടെ കാലം മുതലേ കോണ്ഗ്രസില് തമ്മിലടി ഉണ്ട്. കോണ്ഗ്രസിലെ തമ്മിലടി പുതിയ കാര്യമല്ല. ഉണ്ടാകാത്ത കാലവും ഇല്ല. എന്നാല് ആനുകാലിക രാഷ്ട്രീയ സാഹചര്യം നേതൃത്വം തിരിച്ചറിയണമെന്നും ഷിബു ബേബി ജോണ് വിമര്ശിച്ചു. രാഷ്ട്രീയ നിലപാടില് മാറ്റമില്ലെന്നും 1977 നേക്കാള് ഭൂരിപക്ഷത്തില് അടുത്ത നിയമസഭയില് യുഡിഎഫ് അധികാരത്തില് വരും. ചെന്നിത്തലയെ മത-സാമുദായിക പരിപാടികള് ക്ഷണിക്കുന്നത് നല്ല കാര്യമല്ലേയെന്നും ഷിബു ബേബി ജോണ് ചോദിച്ചു.