ആലപ്പുഴ: പന്ത്രണ്ടുകാരിയായ പെൺകുട്ടിക്ക് നേരെ ലൈംഗിക അതിക്രമം നടത്തിയ കേസിൽ അയൽവാസി പിടിയിൽ. 58കാരനാണ് അറസ്റ്റിലായത്. ഇക്കഴിഞ്ഞ നവംബര് 16നായിരുന്നു കേസിനാസ്പദമായ സംഭവം. മണ്ണഞ്ചേരി പൊലീസ് കേസെടുത്തതിന് പിന്നാലെ പ്രതി ഒളിവിലായിരുന്നു. കഴിഞ്ഞ ദിവസം രാത്രി രഹസ്യമായി വീട്ടിലെത്തിയ പ്രതിയെ പൊലീസ് പിടികൂടുകയായിരുന്നു.
പ്രതി പെണ്കുട്ടിയുടെ വീട്ടിൽ പലപ്പോഴായി എത്തിയിരുന്നു. പെൺകുട്ടിയുടെ അനുജനായ കുഞ്ഞിനെ ഓമനിക്കാനെന്ന വ്യാജേന സമീപിക്കുകയും ശേഷം ഇയാൾ പെൺകുട്ടിയുടെ സ്വകാര്യഭാഗങ്ങളിൽ സ്പർശിക്കുകയുമായിരുന്നു. തുടർന്ന് പെൺകുട്ടി രക്ഷിതാക്കളോട് ഇക്കാര്യം പറയുകയായിരുന്നു. മാതാപിതാക്കളാണ് പൊലീസിൽ പരാതി നൽകിയത്. തുടര്ന്ന് പൊലീസ് കേസെടുത്തത് അറിഞ്ഞ് പ്രതി ഒളിവിൽ പോവുകയായിരുന്നു.