ഹൈദരാബാദ്: തെലങ്കാന മുൻ മുഖ്യമന്ത്രി കെ.ചന്ദ്രശേഖർ റാവുവിന്റെ ജന്മദിനം ആഘോഷിക്കാൻ സ്കൂളിന് അവധി നൽകിയ പ്രധാനാധ്യാപികയെ സസ്‌പെൻഡ് ചെയ്തു. രംഗ റെഡ്ഡി ജില്ലയിലെ നന്ദനവനം കോളനിയിലെ എംപിപി സ്‌കൂളിലെ പ്രധാനാധ്യാപിക രജിതക്കെതിരെയാണ് അച്ചടക്ക നടപടി.
ഫെബ്രുവരി 17-ന് കെ. ചന്ദ്രശേഖറിന്റെ 71-ാം ജന്മദിനം ആഘോഷിക്കാൻ അദ്ധ്യാപിക അവധി നൽകുകയും സ്കൂൾ പരിസരം ആഘോഷത്തിന് വിട്ടു നൽകുകയും ചെയ്തിരുന്നു. 1964-ലെ തെലങ്കാന സിവിൽ സർവീസസ് ചട്ടങ്ങളുടെ ലംഘനം ചൂണ്ടിക്കാട്ടിയാണ് ജില്ലാ വിദ്യാഭ്യാസ ഓഫീസറുടെ ഉത്തരവ്.
Also Read: കോൾ സ്പൂഫിങ് തട്ടിപ്പ്; വിഡിയോ നീക്കാൻ ടെലികോം വകുപ്പിന്റെ നിർദേശം
അതേസമയം മുൻ ബിആർഎസ് കോർപറേറ്ററുടെ നേതൃത്വത്തിലാണ് സ്കൂളിൽ ആഘോഷം സംഘടിപ്പിച്ചത്. സ്കൂൾ വിദ്യാർത്ഥികൾക്കിടയിലേയ്ക്ക് ബിആർഎസിന്റെ പാർട്ടി ഷാൾ ധരിച്ചാണ് കോർപറേറ്റർ എത്തിയത്. തെലങ്കാനയിൽ വിദ്യാഭാസ സ്ഥാപനങ്ങളിൽ രാഷ്ട്രീയം നിരോധിച്ചിട്ടുണ്ട്. അധ്യാപകർ അവരുടെ രാഷ്ട്രീയം സ്കൂളുകളിൽ പ്രചരിപ്പിക്കുന്നതിനുള്ള വിലക്കും നിലനിൽക്കുന്നുവെന്നാണ് പ്രധാന അധ്യാപികക്ക് നൽകിയ സസ്പെൻഷൻ ഉത്തരവിൽ പറയുന്നത്.
