റെയിൽവേ റിക്രൂട്ട്മെന്റ് ബോർഡ് നോൺ-ടെക്നിക്കൽ പോപ്പുലർ കാറ്റഗറീസ് (NTPC – Under Graduate) ഒന്നാം ഘട്ട പരീക്ഷകളുടെ പുതുക്കിയ സമയപ്പട്ടിക പുറത്തുവിട്ടു. പുതിയ ഷെഡ്യൂൾ പ്രകാരം ശേഷിക്കുന്ന സി.ബി.ടി 1 (CBT 1) പരീക്ഷകൾ 2026 ജൂൺ 13 മുതൽ ജൂൺ 20 വരെ നടക്കും. ഉദ്യോഗാർത്ഥികൾക്ക് അതത് റീജിയണൽ ആർ.ആർ.ബികളുടെ ഔദ്യോഗിക വെബ്സൈറ്റുകൾ വഴി പുതുക്കിയ തീയതികൾ പരിശോധിക്കാവുന്നതാണ്. മുൻപ് 2026 മെയ് 7, 8, 9 തീയതികളിൽ നടത്താൻ നിശ്ചയിച്ചിരുന്ന പരീക്ഷകൾ ഇതിനകം തന്നെ പൂർത്തിയായിരുന്നു. എന്നാൽ ചില കാരണങ്ങളാൽ മാറ്റിവെച്ച ശേഷിക്കുന്ന പരീക്ഷകളാണ് ജൂൺ മാസത്തിൽ നടക്കുന്നത്. ഒന്നാം ഘട്ട സി.ബി.ടി ഒരു സ്ക്രീനിംഗ് പരീക്ഷ മാത്രമാണ്. ഇതിൽ ലഭിക്കുന്ന നോർമലൈസ്ഡ് സ്കോറിന്റെ മെറിറ്റ് അടിസ്ഥാനമാക്കിയായിരിക്കും രണ്ടാം ഘട്ടത്തിലേക്ക് ഉദ്യോഗാർത്ഥികളെ തിരഞ്ഞെടുക്കുക.
ആകെ ചോദ്യങ്ങൾ: 100
സമയം: 90 മിനിറ്റ്
ചോദ്യങ്ങളുടെ ഘടന
ജനറൽ അവയർനസ് : 40 ചോദ്യങ്ങൾ
മാത്തമാറ്റിക്സ് : 30 ചോദ്യങ്ങൾ
ജനറൽ ഇന്റലിജൻസ് ആൻഡ് റീസണിംഗ് : 30 ചോദ്യങ്ങൾ
സിറ്റി ഇൻഫർമേഷൻ സ്ലിപ്പും അഡ്മിറ്റ് കാർഡും
എക്സാം സിറ്റി സ്ലിപ്പ്: പരീക്ഷാ തീയതിക്ക് 10 ദിവസം മുൻപ് ഉദ്യോഗാർത്ഥികൾക്ക് തങ്ങളുടെ പരീക്ഷാ കേന്ദ്രം ഏതാണെന്ന് വെബ്സൈറ്റിലൂടെ അറിയാൻ സാധിക്കും.
അഡ്മിറ്റ് കാർഡ്: പരീക്ഷാ തീയതിക്ക് 4 ദിവസം മുൻപ് മാത്രമേ ഔദ്യോഗിക വെബ്സൈറ്റിൽ നിന്നും അഡ്മിറ്റ് കാർഡ് ഡൗൺലോഡ് ചെയ്യാൻ സാധിക്കൂ.
Also Read: NEET MDS 2026 ഫലം ഇന്ന് പ്രതീക്ഷിക്കാം; സ്കോർകാർഡും മെറിറ്റ് ലിസ്റ്റും പരിശോധിക്കേണ്ടത് എങ്ങനെ?
പുതുക്കിയ തീയതികൾ എങ്ങനെ പരിശോധിക്കാം?
നിങ്ങളുടെ റീജിയണൽ ആർ.ആർ.ബിയുടെ ഔദ്യോഗിക വെബ്സൈറ്റ് സന്ദർശിക്കുക.
ഹോംപേജിലുള്ള ‘RRB NTPC CBT 1 Exam Date Notice’ എന്ന ലിങ്കിൽ ക്ലിക്ക് ചെയ്യുക.
ഇപ്പോൾ തുറന്നുവരുന്ന പുതുക്കിയ ഷെഡ്യൂളിന്റെ പി.ഡി.എഫ് പരിശോധിക്കുകയും ഭാവി ആവശ്യങ്ങൾക്കായി ഡൗൺലോഡ് ചെയ്ത് സൂക്ഷിക്കുകയും ചെയ്യുക.
ഒഴിവുകളുടെ വിവരങ്ങൾ അണ്ടർ ഗ്രാജുവേറ്റ് തലത്തിൽ ആകെ 3,058 ഒഴിവുകളാണ് ഈ വിജ്ഞാപനത്തിലൂടെ റെയിൽവേ നികത്തുന്നത്.
കൊമേഴ്സ്യൽ കം ടിക്കറ്റ് ക്ലാർക്ക്: 2,424
അക്കൗണ്ട്സ് ക്ലാർക്ക് കം ടൈപ്പിസ്റ്റ്: 394
ജൂനിയർ ക്ലാർക്ക് കം ടൈപ്പിസ്റ്റ്: 163
ട്രെയിൻസ് ക്ലാർക്ക്: 77
ആകെ ഒഴിവുകൾ 3,058
തിരഞ്ഞെടുപ്പ് രീതി: ഒന്നാം ഘട്ട സി.ബി.ടി (CBT 1), രണ്ടാം ഘട്ട സി.ബി.ടി (CBT 2), ടൈപ്പിംഗ് സ്കിൽ ടെസ്റ്റ് (CBTST – ബാധകമായ തസ്തികകൾക്ക് മാത്രം), തുടർന്ന് സർട്ടിഫിക്കറ്റ് പരിശോധന, മെഡിക്കൽ പരിശോധന എന്നിവയ്ക്ക് ശേഷമായിരിക്കും അന്തിമ നിയമനം.
