പാളയം പ്രദീപിനായി രമ്യ ഹരിദാസ്! സസ്‌പെൻഷൻ പിൻവലിച്ചാൽ കേസ് ഒഴിവാക്കാമെന്ന് എംഎൽഎ; വിട്ടുകൊടുക്കാതെ പ്രാദേശിക നേതാക്കൾ

നേരത്തെ ചിറയിൻകീഴിൽ വെച്ചുണ്ടായ കയ്യാങ്കളിയെ തുടർന്ന് പാളയം പ്രദീപിനെയും സജാദിനെയും ആറുമാസത്തേക്ക് കോൺഗ്രസ് പാർട്ടി സസ്‌പെൻഡ് ചെയ്തിരുന്നു

പാളയം പ്രദീപിനായി രമ്യ ഹരിദാസ്! സസ്‌പെൻഷൻ പിൻവലിച്ചാൽ കേസ് ഒഴിവാക്കാമെന്ന് എംഎൽഎ; വിട്ടുകൊടുക്കാതെ പ്രാദേശിക നേതാക്കൾ
പാളയം പ്രദീപിനായി രമ്യ ഹരിദാസ്! സസ്‌പെൻഷൻ പിൻവലിച്ചാൽ കേസ് ഒഴിവാക്കാമെന്ന് എംഎൽഎ; വിട്ടുകൊടുക്കാതെ പ്രാദേശിക നേതാക്കൾ

തിരുവനന്തപുരം: പാളയം പ്രദീപിന്റെ സസ്‌പെൻഷൻ പിൻവലിച്ച് സ്വന്തം പേഴ്‌സണൽ സ്റ്റാഫിൽ ഉൾപ്പെടുത്താനുള്ള നീക്കങ്ങളുമായി രമ്യ ഹരിദാസ് എംഎൽഎ. പ്രദീപിന്റെ സസ്‌പെൻഷൻ കെപിസിസി പിൻവലിക്കുകയാണെങ്കിൽ കേസ് പിൻവലിക്കാൻ തയ്യാറാണെന്ന് രമ്യ ഹരിദാസ് പാർട്ടി നേതൃത്വത്തെ അറിയിച്ചു.

എന്നാൽ, രമ്യയുടെ ഈ നീക്കത്തിനെതിരെ ചിറയിൻകീഴിലെ കോൺഗ്രസ് നേതാക്കൾ കടുത്ത പ്രതിഷേധവുമായി രംഗത്തെത്തിയിട്ടുണ്ട്. പാളയം പ്രദീപിനെ മണ്ഡലത്തിൽ വീണ്ടും അടുപ്പിക്കില്ലെന്ന ശക്തമായ നിലപാടിലാണ് പ്രാദേശിക നേതൃത്വം. നേരത്തെ ചിറയിൻകീഴിൽ വെച്ചുണ്ടായ കയ്യാങ്കളിയെ തുടർന്ന് പാളയം പ്രദീപിനെയും സജാദിനെയും ആറുമാസത്തേക്ക് കോൺഗ്രസ് പാർട്ടി സസ്‌പെൻഡ് ചെയ്തിരുന്നു. കെപിസിസി നിയോഗിച്ച പ്രത്യേക അന്വേഷണ സമിതി സമർപ്പിച്ച റിപ്പോർട്ടിന്റെ അടിസ്ഥാനത്തിലായിരുന്നു ഈ കടുത്ത നടപടി.

Also Read:കേസുകൊടുത്ത് വായടപ്പിക്കാൻ നോക്കണ്ട, നിയമപരമായി നേരിടും; ശ്രീനാദേവി കുഞ്ഞമ്മയ്ക്ക് ഡിവൈഎഫ്ഐയുടെ മറുപടി

പൊതുജനമധ്യത്തിൽ കോൺഗ്രസ് പാർട്ടിക്ക് കടുത്ത അവമതിപ്പുണ്ടാക്കുന്ന രീതിയിൽ ഇരുവരും ഗുരുതരമായ അച്ചടക്കലംഘനം നടത്തിയെന്നായിരുന്നു അന്വേഷണ സമിതിയുടെ കണ്ടെത്തൽ. തുടർന്ന് കെപിസിസി പ്രസിഡന്റ് സണ്ണി ജോസഫ് ഇരുവരെയും പാർട്ടിയുടെ പ്രാഥമിക അംഗത്വത്തിൽ നിന്ന് സസ്‌പെൻഡ് ചെയ്തതായി സംഘടനാ ചുമതലയുള്ള ജനറൽ സെക്രട്ടറി നെയ്യാറ്റിൻകര സനൽ അറിയിക്കുകയായിരുന്നു. ഈ നടപടിക്കിടെയാണ് പ്രദീപിനെ തിരിച്ചെടുക്കാനുള്ള എംഎൽഎയുടെ നീക്കം കോൺഗ്രസിനുള്ളിൽ പുതിയ പോരിന് വഴിവെച്ചിരിക്കുന്നത്.

Share Email
Top