2021 ല്‍ പുറത്തെത്തിയ പുഷ്‍പ: ദി റൈസിന്‍റെ രണ്ടാം ഭാഗം എന്ന നിലയില്‍ കഴിഞ്ഞ വര്‍ഷം പ്രേക്ഷകരില്‍ ഏറ്റവുമധികം കാത്തിരിപ്പ് ഉയര്‍ത്തിയ ചിത്രമായിരുന്നു ‘പുഷ്‍പ 2’. ഉത്തരേന്ത്യന്‍ പ്രേക്ഷകരുടെ പ്രീതി നേടുന്നതില്‍ ചിത്രം വിജയം കൈവരിച്ചിരുന്നു. ഡിസംബര്‍ 5 ന് തിയറ്ററുകളില്‍ എത്തിയ ചിത്രത്തിന്റെ ഒടിടി റിലീസ് ജനുവരി 30 ന് ആയിരുന്നു. ഇപ്പോഴിതാ ഒടിടി റിലീസിന് ശേഷമുള്ള രണ്ട് ദിവസത്തെ കളക്ഷന്‍ സംബന്ധിച്ച റിപ്പോര്‍ട്ടുകള്‍ പുറത്ത് വന്നിട്ടുണ്ട്.
ചിത്രം ഒടിടിയില്‍ എത്തിയ വ്യാഴാഴ്ച (30) ഇന്ത്യയില്‍ നിന്ന് നേടിയ കളക്ഷന്‍ 14 ലക്ഷമാണ്. ബുധനാഴ്ച 19 ലക്ഷം ഉണ്ടായിരുന്ന കളക്ഷനാണ് 14 ലക്ഷമായി കുറഞ്ഞത്. എന്നാല്‍ വെള്ളിയാഴ്ച (31) ഇത് 5 ലക്ഷത്തിലേക്ക് താഴ്ന്നു. അങ്ങനെ രണ്ട് ദിവസം കൊണ്ട് 19 ലക്ഷമാണ് ചിത്രത്തിന്റെ കളഷൻ. അതേസമയം നെറ്റ്ഫ്ലിക്സിലൂടെയാണ് ചിത്രത്തിന്റെ ഒടിടി റിലീസ്. 23 മിനിറ്റ് അധികം ചേര്‍ത്ത എക്സ്റ്റന്‍ഡഡ് പതിപ്പ് ആണ് നെറ്റ്ഫ്ലിക്സില്‍ എത്തിയിരിക്കുന്നത്.
