പത്തനംതിട്ട: ഓടുന്ന കാറിൽ അഭ്യാസ പ്രകടനം. തുടർന്ന് വാഹനം പിടിച്ചെടുത്ത് എംവിഡി. 1 കോടിയിലേറെ വില മതിയ്ക്കുന്ന വോള്വോ എക്സ് സി 90 ആണ് മോട്ടോര് വെഹിക്കിള് ഡിപ്പാര്ട്മെന്റ് പിടിച്ചെടുത്തത്. വള്ളക്കടവ് കുമ്പനാട് റോട്ടിൽ രാവിലെ തിരക്കുള്ള സമയത്താണ് സംഭവം. യാത്രികരിൽ ഒരാളാണ് വീഡിയോ ചിത്രീകരിച്ച് മോട്ടോർ വാഹന വകുപ്പിന് അയച്ചത്. വാഹനത്തിന് പുറത്തേക്കിരുന്ന് ഒരാള് ഫോണിലൂടെ സംസാരിക്കുന്നത് ദൃശ്യങ്ങളില് കാണാനാകും. വളരെ വേഗത്തിൽ തിരുവല്ല വാഹന വകുപ്പിന്റെ എൻഫോഴ്സ്മെന്റ് വിഭാഗം വാഹനം കസ്റ്റഡിയിൽ എടുക്കുകയായിരുന്നു. പത്തനംതിട്ട ആര് ടി ഒയ്ക്ക് കീഴില് രജിസ്റ്റര് ചെയ്ത വാഹനമാണ് പിടിച്ചെടുത്തിട്ടുള്ളത്. വാഹനത്തിലിരുന്ന് അഭ്യാസം കാണിച്ച ആളുടെയും ഡ്രൈവറുടെയും ലൈസൻസ് സസ്പെൻഡ് ചെയ്യുമെന്ന് എം വി ഡി അറിയിച്ചു.
ഓടുന്ന കാറിൽ അഭ്യാസ പ്രകടനം; കാർ പിടിച്ചെടുത്ത് എംവിഡി
പത്തനംതിട്ട ആര് ടി ഒയ്ക്ക് കീഴില് രജിസ്റ്റര് ചെയ്ത വാഹനമാണ് പിടിച്ചെടുത്തിട്ടുള്ളത്

