വൺപ്ലസ് തങ്ങളുടെ ഏറ്റവും പുതിയ ഫ്ലാഗ്ഷിപ്പ് ടാബ്ലെറ്റായ ‘വൺപ്ലസ് പാഡ് 4’ വിപണിയിലെത്തിച്ചു. പിസിക്ക് തുല്യമായ പ്രകടനം കാഴ്ചവെക്കാൻ ശേഷിയുള്ള ഈ ടാബ്ലെറ്റ് ഇപ്പോൾ ഓൺലൈൻ പ്ലാറ്റ്ഫോമുകളിലും ഓഫ്ലൈൻ സ്റ്റോറുകളിലും ലഭ്യമാണ്. AI പെയിന്റർ, AI റൈറ്റർ, AI സംഗ്രഹം തുടങ്ങി ദൈനംദിന ജോലികൾ എളുപ്പമാക്കുന്ന നിരവധി ആധുനിക ആർട്ടിഫിഷ്യൽ ഇന്റലിജൻസ് സവിശേഷതകളുമായാണ് ഈ ഉപകരണം എത്തുന്നത്.
വൺപ്ലസ് പാഡ് 4-ന്റെ 8GB+256GB വേരിയന്റിന് 59,999 രൂപയും 12GB+512GB വേരിയന്റിന് 64,999 രൂപയുമാണ് ഇന്ത്യയിലെ വില. ലോഞ്ച് ഓഫറിന്റെ ഭാഗമായി തിരഞ്ഞെടുത്ത ബാങ്ക് കാർഡുകൾ ഉപയോഗിക്കുന്നവർക്ക് 5,000 രൂപ വരെ തൽക്ഷണ കിഴിവ് ലഭിക്കും, ഇത് ഫോണിന്റെ പ്രാരംഭ വില 54,999 രൂപയായി കുറയ്ക്കുന്നു. കൂടാതെ, പരിമിത കാലയളവ് ഓഫറായി 5,499 രൂപ വിലയുള്ള ‘വൺപ്ലസ് സ്റ്റൈലോ പ്രോ സൗജന്യമായും ലഭിക്കും. ആമസോൺ, ഫ്ലിപ്കാർട്ട്, വൺപ്ലസ് സ്റ്റോറുകൾ എന്നിവ വഴി ഈ ആനുകൂല്യങ്ങൾ സ്വന്തമാക്കാം.
സാങ്കേതികമായി ഏറെ മുന്നിൽ നിൽക്കുന്ന ഈ ടാബ്ലെറ്റിൽ 13.2 ഇഞ്ച് 3.4K അൾട്രാ ക്ലിയർ ഡിസ്പ്ലേയാണുള്ളത്. സ്നാപ്ഡ്രാഗൺ 8 എലൈറ്റ് ജെൻ 5 പ്രോസസർ കരുത്ത് പകരുന്ന ഈ ഉപകരണം വൺപ്ലസിന്റെ ഇതുവരെയുള്ളതിൽ ഏറ്റവും കരുത്തുറ്റ ടാബ്ലെറ്റാണ്. 13,380mAh എന്ന കൂറ്റൻ ബാറ്ററിയും 80W ഫാസ്റ്റ് ചാർജിംഗ് പിന്തുണയും ഇതിന്റെ പ്രത്യേകതയാണ്. എട്ട് സ്പീക്കറുകൾ അടങ്ങുന്ന ഹൈ-ഫൈ സൗണ്ട് സിസ്റ്റവും ഓക്സിജൻ ഒഎസ് 16-ഉം ചേർന്ന് മികച്ചൊരു ഡിജിറ്റൽ അനുഭവം വൺപ്ലസ് പാഡ് 4 ഉറപ്പുനൽകുന്നു.
