സമൂഹമാധ്യമങ്ങളിൽ അപമര്യാദയായി പെരുമാറിയ വിദേശിയെ നാടുകടത്താൻ ഒമാൻ കോടതി ഉത്തരവിട്ടു. സീബ് വിലായത്തിലെ ഫസ്റ്റ് ഇൻസ്റ്റൻസ് കോടതിയുടേതാണ് വിധി. ഇന്റർനെറ്റും വിവരസാങ്കേതികവിദ്യയും ഉപയോഗിച്ച് പൊതുമര്യാദയ്ക്ക് വിരുദ്ധമായ ഉള്ളടക്കം തയ്യാറാക്കി പ്രസിദ്ധീകരിച്ച ജൂഡി ജാദൂ എന്നയാൾക്കെതിരെയാണ് നടപടി.
ആദ്യം തടവുശിക്ഷ അനുഭവിച്ച ശേഷമായിരിക്കും പ്രതിയെ നാടുകടത്തുക. കൂടാതെ, കുറ്റകൃത്യത്തിന് ഉപയോഗിച്ച മൊബൈൽ ഫോൺ കണ്ടുകെട്ടാനും ഇയാളുടെ സോഷ്യൽ മീഡിയ അക്കൗണ്ടുകൾ പൂട്ടാനും കോടതി ഉത്തരവിട്ടിട്ടുണ്ട്. സമൂഹമാധ്യമങ്ങളുടെ ഉപയോഗത്തിൽ കർശന അച്ചടക്കം പാലിക്കണമെന്നും നിയമലംഘനങ്ങൾ ഉണ്ടായാൽ കടുത്ത നിയമനടപടികൾ നേരിടേണ്ടിവരുമെന്നും കോടതി മുന്നറിയിപ്പ് നൽകിയിട്ടുണ്ട്.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (AI SOURCES)
