മുട്ടയും എണ്ണയും വേണ്ട; ഹെൽത്തി മയോണൈസ് ഇങ്ങനെ ഉണ്ടാക്കി നോക്കൂ

മുട്ടയില്ലാതെ മയോണൈസ് തയ്യാറാക്കുന്നത് എങ്ങനെ എന്ന് നോക്കിയാലോ? മുട്ടയും എണ്ണയും ഉപയോഗിക്കാതെ അതേ രുചിയിൽ ഹെൽത്തിയായി മയോണൈസ് റെഡിയാക്കി നോക്കിയാലോ ? ഇവിടെ താരം അവക്കാഡോ ആണ്. അവക്കാഡോ മയോണൈസ് റെസിപ്പി ഇതാ.

ആവശ്യമായ ചേരുവകൾ

അവക്കാഡോ- 1/2
വെളുത്തുള്ളി- 2
പച്ചമുളക്- 2
സവാള- 1/2
മല്ലിയില – ആവശ്യത്തിന്
തൈര്- 3 ടേബിൾസ്പൂൺ
ഉപ്പ് – ആവശ്യത്തിന്
നാരങ്ങ നീര്- 1 ടേബിൾസ്പൂൺ

Also Read: ശരീരഭാരം കുറയ്ക്കാൻ ഡോക്ടർ അംഗീകരിച്ച 5 ഭക്ഷണ കോമ്പിനേഷനുകൾ!

തയ്യാറാക്കുന്ന വിധം

ഒരു അവക്കാഡോയുടെ പകുതി ചെറിയ കഷ്ണങ്ങളാക്കി എടുക്കുക. അതിലേയ്ക്ക് വെളുത്തുള്ളിയും, പച്ചമുളകും, സവാളയും, മല്ലിയിലയും, കട്ടത്തൈരും, ഒരു ടേബിൾസ്പൂൺ നാരങ്ങ നീരും, ഒരു നുള്ള് ഉപ്പും ചേർത്ത് മിക്സിയിൽ നന്നായി അരച്ചെടുക്കാം. ഇത് വൃത്തിയുള്ള ഒരു ബൗളിലേയ്ക്കു മാറ്റി സൂക്ഷിക്കാം, ആവശ്യാനുസരണം കഴിക്കാം.