മനാമ: ഇലക്ട്രോണിക് ഗെയിം ഉപകരണത്തിൽ നിന്ന് മയക്കുമരുന്ന് പിടിച്ചെടുത്ത് ആന്റി നാർകോട്ടിക് വിഭാഗം. കളിമണ്ണുനിറച്ച നിലയിൽ ഇലക്ട്രോണിക് ഗെയിം ഉപകരണത്തിൽ ഒളിപ്പിച്ച നിലയിലായിരുന്നു മയക്കുമരുന്ന്. 439 ലഹരി ഗുളികകളാണ് പിടികൂടിയത്.
വിദേശ വെബ്സൈറ്റിൽ നിന്ന് ഏഷ്യൻ വംശജനായ യുവാവ് ഓർഡർ ചെയ്തതായിരുന്നു ഇത്. വിലാസം മാറി ബഹ്റൈൻ ദമ്പതികൾക്ക് ലഭിച്ച വസ്തു അഴിച്ചു നോക്കിയപ്പോഴാണ് നൈലോൺ കവറുകളിലാക്കി കളിമണ്ണ് നിറച്ച ഇലക്ട്രോണിക് ഗെയിം ഉപകരണത്തിൽ മയക്കുമരുന്ന് ഗുളികകൾ കണ്ടത്. പാഴ്സൽ മറ്റാരുടെയോ വിലാസത്തിൽ മാറി അയച്ചതാണ്. യഥാർത്ഥ പ്രതിയെ പിടികൂടിയെന്നും അദ്ദേഹം ഓർഡർ നൽകിയ വിവരങ്ങൾ ലഭിച്ചതായും അധികൃതർ അറിയിച്ചു.