മസ്കറ്റ്: മസ്കറ്റിലെ ഇന്ത്യൻ എംബസി കോൺസുലാർ ക്യാമ്പ് വെള്ളിയാഴ്ച സലാല‌യിൽ നടക്കും. കോൺസുലാർ, കമ്മ്യൂണിറ്റി വെൽഫെയർ, പാസ്‌പോർട്ട്, വിസ, അറ്റസ്റ്റേഷൻ, തുടങ്ങിയവയുമായി ബന്ധപ്പെട്ട സേവനങ്ങൾ ഇതിൽ ലഭ്യമാകും. ഇന്ത്യൻ സോഷ്യൽ ക്ലബ് പരിസരത്ത് രാവിലെ 8.30 മുതൽ വൈകിട്ട് 4.30 വരെയാണ് ക്യാമ്പ് നടക്കുക.
സലാലയിലും സമീപ പ്രദേശങ്ങളിലുമുള്ള ഇന്ത്യൻ പൗരന്മാർക്ക് മുൻകൂർ അനുമതിയില്ലാതെ ക്യാമ്പിൽ കോൺസുലാർ സേവനങ്ങൾ പ്രയോജനപ്പെടുത്താവുന്നതാണ്. ഇന്ത്യൻ അംബാസഡർ അമിത് നാരങ്ങിന്‍റെ അധ്യക്ഷതയിൽ ഓപൺ ഹൗസ് വൈകുന്നേരം 5.30മുതൽ രാത്രി ഏഴ് മണി വരെ നടക്കും.
Also Read: പ്രവാസികള്‍ക്ക് പുതിയ പാന്‍ കാര്‍ഡ് ലഭിക്കാനെന്താണ് വഴി?
ഈ ഓപൺഹൗസിൽ ഇന്ത്യൻ പൗരൻമാർക്ക് തങ്ങളുടെ പരാതികൾ ഉന്നയിക്കാവുന്നതാണ്. അന്വേഷണങ്ങൾക്ക് എംബസി ഹെൽപ്പ് ലൈൻ നമ്പറായ 98282270, ഇന്ത്യൻ സോഷ്യൽ ക്ലബ് സലാല നമ്പർ 91491027 / 23235600 എന്നിവയിൽ ബന്ധപ്പെടാം.
