ചെന്നൈയില് മലയാളി ദമ്പതികള് കൊല്ലപ്പെട്ട നിലയില്. ആയുര്വേദ ഡോക്ടറായ ശിവന് നായര് (68) ഭാര്യ പ്രസന്ന (63) എന്നിവരാണ് കൊല്ലപ്പെട്ടത്. ഇവരുടെ വീട്ടില് നിന്ന് 100 പവനോളം സ്വര്ണവും മോഷണം പോയി. മോഷണ ശ്രമത്തിനിടെ കൊലപാതകമെന്നാണ് പൊലീസ് പറയുന്നത്. ഇന്നലെ രാത്രിയോടെയായിരുന്നു കൊലപാതകം.
ചെന്നൈയ്ക്കടുത്ത് ആവഡിയിലെ ഗാന്ധിനഗര് സെക്കന്റ് ക്രോസ് റോഡിലാണ് ദാരുണമായ സംഭവം. ഡോക്ടറും ഭാര്യയും വര്ഷങ്ങളായി ആവഡിയില് സ്ഥിരതാമസക്കാരാണ്. ചികിത്സയ്ക്കെന്ന രൂപത്തില് വീട്ടിലെത്തിയവരാകാം മോഷണത്തിന് പിന്നിലെന്നാണ് പ്രാഥമിക നിഗമനം. എന്നാല് മേഖലയില് സിസിടിവില്ലാത്തതിനാല് അക്രമിയുടെ ദൃശ്യങ്ങള് ലഭിച്ചിട്ടില്ല. പ്രത്യേക സംഘത്തെ രൂപീകരിച്ച് അന്വേഷണം ഊര്ജിതമാക്കിയിരിക്കുകയാണ് പൊലീസ്.