ലക്നൗ: ഐപിഎല്ലില്‍ ലഖ്നൗ സൂപ്പര്‍ ജയന്റ്സിനെതിരായ മത്സരത്തില്‍ ചരിത്രനേട്ടം സ്വന്തമാക്കി ചെന്നൈ സൂപ്പര്‍ കിങ്സ് നായകന്‍ എംഎസ് ധോണി. കരിയറില്‍ 200 പേരെ പുറത്താക്കുകയെന്ന നാഴികകല്ലാണ് താരം പിന്നിട്ടത്. രവീന്ദ്ര ജഡേജയുടെ ബൗളിംഗില്‍ ആയുഷ് ബദോനിയെ സ്റ്റംപ് ചെയ്തുകൊണ്ട് 14-ാം ഓവറില്‍ ധോണി ഈ നാഴികക്കല്ല് പിന്നിട്ടു.
Also Read: ലക്നൗ സൂപ്പര്‍ ജയന്റ്സിനെ കീഴടക്കി ചെന്നൈ സൂപ്പർ കിംഗ്സ്
ഐ.പി.എല്ലില്‍ അദ്ദേഹത്തിന്റെ 46-ാമത്തെ സ്റ്റംപിങ് കൂടിയായിരുന്നു അത്. തന്റെ 271-ാം ഐപിഎല്‍ മത്സരം കളിക്കുന്ന 43-കാരന്‍ ഇപ്പോള്‍ 201 പുറത്താക്കലുകള്‍ നേടിയിട്ടുണ്ട്. ഇതില്‍ 155 ക്യാച്ചുകളും 46 സ്റ്റംപിങ്ങുളും ഉള്‍പ്പെടുന്നു. ധോണി കഴിഞ്ഞാല്‍ ദിനേശ് കാര്‍ത്തിക്കാണ് ലിസ്റ്റില്‍ രണ്ടാമത്. 182 പുറത്താക്കലുകളാണ് ദിനേശ് കാര്‍ത്തിക്ക് നടത്തിയത്. എബി ഡിവില്ലിയേഴ്സ് 124 , റോബിന്‍ ഉത്തപ്പ 118, വൃദ്ധിമാന്‍ സാഹ 116 എന്നിങ്ങനെയാണ് ലിസ്റ്റിലുള്ള ആദ്യ അഞ്ചുപേര്‍.
