കേരളത്തിൻ്റെ മനസാക്ഷിയെ ഞെട്ടിച്ച വൻ ദുരന്തമാണ്, ചെമ്പ്ര കൊടുമുടിയുടെ താഴ്‌വാരത്ത് സ്ഥിതി ചെയ്യുന്ന, വയനാട് ചൂരൽമലയിൽ ഉണ്ടായിരിക്കുന്നത്. ദുരന്തത്തിൽപ്പെട്ടവരുടെ എണ്ണം നമുക്ക് ചിന്തിക്കാവുന്നതിലും അപ്പുറമാണ്. 2019-ൽ ഉരുൾപൊട്ടൽ ഉണ്ടായ പുത്തുമലയുടെ രണ്ട് കിലോമീറ്റർ അകലെയാണ് ഈ പരിസ്ഥിതി ലോല പ്രദേശം സ്ഥിതി ചെയ്യുന്നത്. സൂചിപ്പാറ വെള്ളച്ചാട്ടം |സ്ഥിതി ചെയ്യുന്ന ഈ സ്ഥലം പ്രമുഖ വിനോദ സഞ്ചാര കേന്ദ്രം കൂടിയാണ്.
പ്രകൃതി ഇങ്ങനെ കലിതുള്ളാൻ കാരണമെന്താണെന്ന് അന്വേഷിക്കുന്നവർ, ഗാഡ്ഗിൽ കമ്മറ്റി റിപ്പോർട്ടിന് എന്തു പറ്റിയെന്നതും, ഈ ഘട്ടത്തിലെങ്കിലും ചിന്തിക്കുന്നത് നല്ലതാണ്. ഇനിയും വൻ ദുരന്തങ്ങൾ ഉണ്ടാവാതിരിക്കാൻ, ഗാഡ്ഗിൽ റിപ്പോർട്ട് നടപ്പാക്കുന്നത് തന്നെയാണ് നല്ലത്. പ്രകൃതിയെ മനുഷ്യർ മുറിവേൽപ്പിക്കുമ്പോൾ ഉണ്ടാകുന്ന പ്രകൃതിയുടെ സ്വാഭാവികമായ ക്ഷോഭമായാണ്, പ്രകൃതി ദുരന്തങ്ങൾ പൊതുവായി വിലയിരുത്തപ്പെടുന്നത്.
ഈ സാഹചര്യത്തിൽ, പ്രകൃതി ദുരന്തം സംബന്ധിച്ച്, പ്രമുഖ സയൻ്റിസ്റ്റായ ടി.വി സജീവൻ വർഷങ്ങൾക്ക് മുൻപ് എക്സ്പ്രസ് കേരളയ്ക്ക് നൽകിയ അഭിമുഖത്തിൻ്റെ പ്രസക്തഭാഗങ്ങൾ പുതിയ സാഹചര്യത്തിൽ ഞങ്ങൾ വീണ്ടും സംപ്രേക്ഷണം ചെയ്യുകയാണ്, കാണുക . . .
