കണ്ണൂര്: കണ്ണൂരില് വീടിനകത്ത് അമ്മയെയും മകളെയും മരിച്ച നിലയില് കണ്ടെത്തി. കൊറ്റാളികാവിന് സമീപത്തെ സുനന്ദ (78), ദീപ (48) എന്നിവരാണ് മരിച്ചത്. മൃതദേഹങ്ങള്ക്ക് മൂന്ന് ദിവസത്തെ പഴക്കമുണ്ടെന്നാണ് പ്രാഥമിക നിഗമനം. ദുര്ഗന്ധം വമിച്ചതിനെ തുടര്ന്ന് നാട്ടുകാര് നോക്കിയപ്പോഴാണ് മൃതദേഹങ്ങള് കണ്ടെത്തിയത്. നാട്ടുകാര് വിവരം അറിയിച്ചതിനെ തുടര്ന്ന് സ്ഥലത്തെത്തിയ പൊലീസ് ഉദ്യോഗസ്ഥര് പരിശോധന തുടരുകയാണ്.
കൊറ്റാളിക്കാവിന് സമീപത്തെ വീട്ടില്, എഴുപത്തിയെട്ടുകാരി സുനന്ദ ഷേണായിയും നാല്പ്പത്തിയെട്ടുകാരി മകള് ദീപയും മാത്രമായിരുന്നു താമസം. ദുര്ഗന്ധത്തെ തുടര്ന്ന് അയല്വാസി രാവിലെ നോക്കിയപ്പോഴാണ് ഇരുവരും മരിച്ചുകിടക്കുന്നത് കണ്ടത്. ജനലുകളും വാതിലും തുറന്നിട്ട നിലയിലായിരുന്നു. ദീപയെ ഡൈനിങ് ഹാളിലും സുനന്ദയെ അടുക്കളയോട് ചേര്ന്നുമാണ് കണ്ടത്. മൃതദേഹങ്ങള്ക്ക് മൂന്ന് ദിവസത്തെ പഴക്കമുണ്ട്. വോട്ട് ചെയ്യാന് വെളളിയാഴ്ച ഇരുവരും തൊട്ടടുത്തുളള കൊറ്റാളി സ്കൂളില് പോയിരുന്നു. അന്ന് വൈകീട്ട് മൂന്ന് മണി വരെ കണ്ടവരുണ്ട്. ആത്മഹത്യയാണെന്നാണ് പ്രാഥമിക നിഗമനം. വര്ഷങ്ങളായി ഈ വീട്ടിലാണ് അമ്മയും മകളും താമസം. ടൗണ് പൊലീസ് കേസെടുത്ത് അന്വേഷണം തുടങ്ങി.