റെയിൽവേ റിക്രൂട്ട്മെന്റ് ബോർഡ് (RRB) വിവിധ സോണുകളിലായി 2,569 ഒഴിവുകളിലേക്ക് വിജ്ഞാപനം പുറത്തിറക്കി. ജൂനിയർ എഞ്ചിനീയർ (JE), ഡിപ്പോ മെറ്റീരിയൽ സൂപ്രണ്ട് (DMS), കെമിക്കൽ & മെറ്റലർജിക്കൽ അസിസ്റ്റന്റ് (CMA) എന്നീ തസ്തികകളാണ് നിയമനത്തിൽ ഉൾപ്പെടുന്നത്. യോഗ്യരായ ഉദ്യോഗാർത്ഥികൾക്ക് 2025 നവംബർ 30 വരെ ഔദ്യോഗിക വെബ്സൈറ്റ് – rrbapply.gov.in വഴി ഓൺലൈനായി അപേക്ഷിക്കാം.
യോഗ്യതാ മാനദണ്ഡം
ജൂനിയർ എഞ്ചിനീയർ (ജെഇ): സിവിൽ, മെക്കാനിക്കൽ, പ്രൊഡക്ഷൻ, ഓട്ടോമൊബൈൽ, ഇലക്ട്രിക്കൽ, ഇലക്ട്രോണിക്സ്, ഇൻസ്ട്രുമെന്റേഷൻ & കൺട്രോൾ, ടൂൾസ് & മെഷീനിംഗ്, ടൂൾസ് & ഡൈ മേക്കിംഗ്, കമ്പ്യൂട്ടർ സയൻസ്, അല്ലെങ്കിൽ കമ്പ്യൂട്ടർ എഞ്ചിനീയറിംഗ് എന്നിവയിൽ മൂന്ന് വർഷത്തെ ഡിപ്ലോമ അല്ലെങ്കിൽ ബി.എസ്സി ബിരുദം ഉണ്ടായിരിക്കണം.
ഡിപ്പോ മെറ്റീരിയൽ സൂപ്രണ്ട് (DMS): ഏതെങ്കിലും എഞ്ചിനീയറിംഗ് ശാഖയിൽ മൂന്ന് വർഷത്തെ ഡിപ്ലോമ ആവശ്യമാണ്.
കെമിക്കൽ & മെറ്റലർജിക്കൽ അസിസ്റ്റന്റ് (സിഎംഎ): അപേക്ഷകർ ഫിസിക്സും കെമിസ്ട്രിയും പഠിച്ച് കുറഞ്ഞത് 45% മാർക്കോടെ ബിഎസ്സി ബിരുദം നേടിയിരിക്കണം.
Also Read: WBSSC റിക്രൂട്ട്മെന്റ്, 8,477 നോൺ-ടീച്ചിംഗ് സ്റ്റാഫ് ഒഴിവുകൾ പ്രഖ്യാപിച്ചു; അവസാന തീയതി ഡിസംബർ 3
പ്രായപരിധി
അപേക്ഷകർ 2026 ജനുവരി 1-ന് 33 വയസ്സിന് താഴെയായിരിക്കണം. സർക്കാർ മാനദണ്ഡങ്ങൾക്കനുസരിച്ച് സംവരണ വിഭാഗങ്ങൾക്ക് പ്രായപരിധിയിൽ ഇളവ് ബാധകമായിരിക്കും.
അപേക്ഷ ഫീസ്
എസ്സി/എസ്ടി, സ്ത്രീകൾ, ട്രാൻസ്ജെൻഡർ, ന്യൂനപക്ഷം, സാമ്പത്തികമായി പിന്നാക്കം നിൽക്കുന്നവർ എന്നിവർക്ക് അപേക്ഷാ ഫീസ് 250 രൂപയാണ് (സിബിടി സ്റ്റേജ് 1 പരീക്ഷയ്ക്ക് ഹാജരായതിന് ശേഷം ബാങ്ക് ചാർജുകൾ കുറച്ചാൽ റീഫണ്ട് ലഭിക്കും.
