എം.ബി.ബി.എസ്, ബി.ഡി.എസ്, ബി.എസ്.സി നഴ്സിംഗ് കോഴ്സുകളിലേക്കുള്ള പ്രവേശനത്തിനായുള്ള നീറ്റ് യു.ജി കൗൺസിലിംഗ് 2026 ഒന്നാം റൗണ്ട് നടപടികൾ ഓഗസ്റ്റ് 5 മുതൽ ആരംഭിക്കും. മെഡിക്കൽ കൗൺസിലിംഗ് കമ്മിറ്റിയാണ് പ്രവേശന പ്രക്രിയകൾക്ക് നേതൃത്വം നൽകുന്നത്. 15 ശതമാനം അഖിലേന്ത്യാ ക്വാട്ട, 100 ശതമാനം ഡീംഡ് സർവകലാശാലകൾ, കേന്ദ്ര സർവകലാശാലകൾ, എയിംസ്, ജിപ്മർ എന്നിവയിലെ സീറ്റുകളിലേക്കാണ് കൗൺസിലിംഗ് നടക്കുന്നത്.
ഒന്നാം റൗണ്ട്: പ്രധാന തീയതികൾ
രജിസ്ട്രേഷനും ഫീസ് അടയ്ക്കലും 2026 ഓഗസ്റ്റ് 5 – ഓഗസ്റ്റ് 12 (ഉച്ചയ്ക്ക് 3:00 വരെ)
ഫീസ് പേയ്മെന്റ് സമയം: ഓഗസ്റ്റ് 12 (വൈകുന്നേരം 6:00 വരെ)
ചോയ്സ് ഫില്ലിംഗ്: 2026 ഓഗസ്റ്റ് 6 – ഓഗസ്റ്റ് 13 (രാവിലെ 11:00 വരെ)
ചോയ്സ് ലോക്കിംഗ്: ഓഗസ്റ്റ് 11 (വൈകുന്നേരം 4:00) – ഓഗസ്റ്റ് 13 (രാവിലെ 11:00)
സീറ്റ് അലോട്ട്മെന്റ് നടപടികൾ: 2026 ഓഗസ്റ്റ് 13 – ഓഗസ്റ്റ് 16
റൗണ്ട് 1 ഫലപ്രഖ്യാപനം: 2026 ഓഗസ്റ്റ് 17
കോളേജുകളിൽ റിപ്പോർട്ട് ചെയ്യൽ: 2026 ഓഗസ്റ്റ് 18 – ഓഗസ്റ്റ് 22
ഇൻസ്റ്റിറ്റ്യൂട്ട് വെരിഫിക്കേഷൻ: 2026 ഓഗസ്റ്റ് 23
എങ്ങനെ അപേക്ഷിക്കാം?
mcc.nic.in എന്ന ഔദ്യോഗിക പോർട്ടൽ സന്ദർശിക്കുക.
നിങ്ങളുടെ NEET UG 2026 റോൾ നമ്പറും ക്രെഡൻഷ്യലുകളും ഉപയോഗിച്ച് ലോഗിൻ ചെയ്യുക.
അപേക്ഷാ ഫോം പൂരിപ്പിച്ച് കൗൺസിലിംഗ് ഫീസും റീഫണ്ടബിൾ സെക്യൂരിറ്റി ഡെപ്പോസിറ്റും അടയ്ക്കുക.
നിങ്ങളുടെ താത്പര്യാനുസരണം കോളേജുകളും കോഴ്സുകളും തെരഞ്ഞെടുത്ത് ലോക്ക് (Lock) ചെയ്യുക.
അപേക്ഷാ ഫോം സമർപ്പിച്ച് കൺഫർമേഷൻ പേജ് ഡൗൺലോഡ് ചെയ്ത് സൂക്ഷിക്കുക.
ആവശ്യമായ പ്രധാന രേഖകൾ
NEET UG 2026 അഡ്മിറ്റ് കാർഡും സ്കോർകാർഡും/റാങ്ക് ലെറ്ററും, പത്താം ക്ലാസ് സർട്ടിഫിക്കറ്റ് (ജനന തീയതി തെളിയിക്കാൻ), പന്ത്രണ്ടാം ക്ലാസ് മാർക്ക് ഷീറ്റും പാസിംഗ് സർട്ടിഫിക്കറ്റും, തിരിച്ചറിയൽ രേഖ (പാൻ കാർഡ്/പാസ്പോർട്ട്/വോട്ടർ ഐഡി/ഡ്രൈവിംഗ് ലൈസൻസ്/മറ്റ് അംഗീകൃത ഫോട്ടോ ഐഡി), പാസ്പോർട്ട് സൈസ് ഫോട്ടോഗ്രാഫുകൾ, പ്രൊവിഷണൽ അലോട്ട്മെന്റ് ലെറ്റർ (MCC പോർട്ടലിൽ നിന്ന് ലഭിക്കുന്നത്), സംവരണ വിഭാഗക്കാർക്ക് കാറ്റഗറി സർട്ടിഫിക്കറ്റ് (SC/ST/OBC-NCL/EWS), PwBD സർട്ടിഫിക്കറ്റ് (ബാധകമെങ്കിൽ).
