2024 ജനുവരിയിൽ പുറത്തിറക്കിയ ടാറ്റ പഞ്ച് ഇവി വിപണിയിൽ ടാറ്റയുടെ വിൽപ്പന കൂട്ടുന്നതിൽ നിർണായക സംഭാവന നൽകിയിട്ടുണ്ട്. സ്‍മാർട്ട്, സ്‍മാർട്ട്+, അഡ്വഞ്ചർ, എംപവേർഡ്, എംപവേർഡ്+ എന്നീ അഞ്ച് വേരിയന്റുകളിലാണ് ഈ കോംപാക്റ്റ് ഇലക്ട്രിക് എസ്‌യുവി വരുന്നത്. ഇപ്പോഴിതാ ഇവി വിഭാഗത്തിൽ ടാറ്റയുടെ ആധിപത്യത്തെ വെല്ലുവിളിക്കാൻ ലക്ഷ്യമിട്ട്, ഹ്യുണ്ടായിയും മാരുതിയും രണ്ട് പുതിയ മോഡലുകൾ പുറത്തിറക്കാൻ ഒരുങ്ങുന്നു.
ഹ്യുണ്ടായി ഇൻസ്റ്റർ ഇവി
2026-ൽ ഇൻസ്റ്റർ ഇവി അധിഷ്ഠിത മോഡലുമായി കോംപാക്റ്റ് ഇലക്ട്രിക് എസ്‌യുവി വിപണിയിൽ പ്രവേശിക്കാൻ ഹ്യുണ്ടായി മോട്ടോർ ഇന്ത്യ പദ്ധതിയിടുന്നു. HE1i എന്ന കോഡ് നാമത്തിൽ അറിയപ്പെടുന്ന ഹ്യുണ്ടായി ഇൻസ്റ്റർ ഇവിക്ക് ആഗോളതലത്തിൽ രണ്ട് ബാറ്ററി പായ്ക്ക് ഓപ്ഷനുകളുണ്ട്. സ്റ്റാൻഡേർഡ് 42kWh, ലോംഗ്-റേഞ്ച് 49kWh എന്നിവയാണത്. ആദ്യത്തേത് 300 കിലോമീറ്റർ WLTP റേഞ്ച് നൽകുമ്പോൾ, രണ്ടാമത്തേത് ഒറ്റ ചാർജിൽ 355 കിലോമീറ്റർ വാഗ്ദാനം ചെയ്യുന്നു. രണ്ട് ബാറ്ററി ഓപ്ഷനുകളും ഇന്ത്യ-സ്പെക്ക് മോഡലിൽ വാഗ്ദാനം ചെയ്യാൻ സാധ്യതയുണ്ട്.
Also Read: ഇന്ത്യയിൽ വിപണി കീഴടക്കാനൊരുങ്ങി കിയ കാരൻസ് ഫേസ്‌ലിഫ്റ്റ്
മാരുതി ഫ്രോങ്ക്സ് ഇവി
മാരുതി സുസുക്കി 2025 ൽ സ്വന്തം ഹൈബ്രിഡ് പവർട്രെയിനുള്ള ഫ്രോങ്ക്സിനെ അവതരിപ്പിക്കാൻ ഒരുങ്ങുകയാണ്. മാരുതി സുക്കി ഫ്രോങ്ക്സ് ഇവി 2027 ൽ എത്താൻ സാധ്യതയുണ്ട്. നിലവിൽ, മാരുതി ഫ്രോങ്ക്സ് ഇലക്ട്രിക്കിനെക്കുറിച്ച് ഔദ്യോഗിക വിവരങ്ങളൊന്നുമില്ല . എങ്കിലും, ഉടൻ പുറത്തിറങ്ങാനിരിക്കുന്ന മാരുതി ഇ വിറ്റാരയുമായി അതിന്റെ പവർട്രെയിൻ പങ്കിടുമെന്ന് പ്രതീക്ഷിക്കുന്നു.
