കണ്ണൂർ: കണ്ണൂർ പാപ്പിനിശ്ശേരിയിൽ സ്കൂട്ടറിൽ കടത്തിക്കൊണ്ട് വന്ന 19.75 ലിറ്റർ മാഹി മദ്യം എക്സൈസ് പിടികൂടി. സംഭവത്തിൽ മദ്യം കടത്തിക്കൊണ്ട് വന്ന പാപ്പിനിശ്ശേരി സ്വദേശി ബഷീർ എസ്.വി(51) എന്നയാളെ എക്സൈസ് അറസ്റ്റ് ചെയ്തു. മാഹിയിൽ നിന്നും ട്രെയിൻ മാർഗ്ഗമാണ് മദ്യം എത്തിച്ചിരുന്നത്. മദ്യം വിവിധ ഭാഗങ്ങളില്‍ ഉള്ള യുവാക്കൾക്ക് കച്ചവടം ചെയ്യുന്നതായിരുന്നു ഇയാളുടെ രീതി.
അതേസമയം പാപ്പിനിശേരി എക്സൈസ് റേഞ്ച് ഇൻസ്പെക്ടർ പി സന്തോഷ് കുമാറും സംഘവും ചേർന്ന് നടത്തിയ പരിശോധനയിലാണ് ഇയാൾ പിടിയിലായത്. അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) ദിലീപ് സി.വി, സർവ്വജ്ഞൻ എം.പി, പ്രിവന്റീവ് ഓഫീസർ (ഗ്രേഡ്)മാരായ ശ്രീകുമാർ വി.പി, പങ്കജാഷൻ സി, രജിരാഗ് പി.പി, വനിത സിവിൽ എക്സൈസ് ഓഫീസർ ജിഷ.പി എന്നിവരും പരിശോധനയിൽ ഉണ്ടായിരുന്നു.
