തിരുവനന്തപുരം കോർപറേഷനിൽ ബിജെപി ഭരണസമിതിക്ക് പ്രതിസന്ധി സൃഷ്ടിച്ച് കൗൺസിലർ സ്ഥാനം രാജിവെച്ച് ആർ.ശ്രീലേഖ. മേയർ പദവി നൽകാത്തതിലുള്ള കടുത്ത അതൃപ്തിയാണ് രാജിക്ക് പിന്നിലെന്നാണ് സൂചന.
സെപ്റ്റംബർ 30-ന് തന്നെ അവർ മേയർക്ക് രാജിക്കത്ത് കൈമാറിയിരുന്നുവെങ്കിലും വ്യക്തിപരമായ കാരണങ്ങളാൽ രാജിവെക്കുന്നുവെന്നാണ് ഔദ്യോഗിക വിശദീകരണം. ശ്രീലേഖയുടെ രാജി പുറത്തുവന്നതോടെ ഒരു സീറ്റിന്റെ ഭൂരിപക്ഷത്തിൽ അധികാരത്തിലെത്തിയ ബിജെപിക്ക് കേവല ഭൂരിപക്ഷം നഷ്ടമായി.
