ന്യൂഡൽഹി: ബംഗ്ലാദേശിലെ ഇടക്കാല സർക്കാരിന്റെ ഭാഗമായ മഹ്ഫൂസ് ആലമിന്റെ വിവാദ പരാമർശങ്ങൾക്കെതിരെ ശക്തമായ പ്രതിഷേധം രേഖപ്പെടുത്തി ഇന്ത്യ. മുൻ പ്രധാനമന്ത്രി ഷെയ്ഖ് ഹസീന സ്ഥാനമൊഴിയാൻ പ്രേരിപ്പിച്ച പ്രക്ഷോഭത്തെപ്പറ്റി ഇന്ത്യ തിരിച്ചറിയണമെന്നാണ് അദ്ദേഹം സമൂഹമാധ്യമത്തിൽ കുറിച്ചത്. ബംഗാൾ, അസം, ത്രിപുര എന്നിവയെ ബംഗ്ലദേശിന്റെ ഭാഗമാക്കിയുള്ള മാപ്പും ഇതിനോടൊപ്പം പങ്കുവെച്ചിരുന്നു.
പിന്നീട് ഇതു നീക്കം ചെയ്തു. ഈ വർഷം ഡിസംബർ 8 വരെ ബംഗ്ലദേശിൽ ഹിന്ദുക്കൾക്കും മറ്റു ന്യൂനപക്ഷ വിഭാഗങ്ങൾക്കുമെതിരെ 2200 അക്രമസംഭവങ്ങൾ റിപ്പോർട്ട് ചെയ്തിട്ടുണ്ടെന്നു വിദേശകാര്യ മന്ത്രാലയം രാജ്യസഭയിൽ വ്യക്തമാക്കി.
Also Read: കനത്ത മൂടൽ മഞ്ഞ്; ഡൽഹിയിൽ മഞ്ഞ അലർട്ട്
പാകിസ്ഥാനിൽ ഈ വർഷം ഒക്ടോബർ വരെ 112 അക്രമസംഭവങ്ങളാണു റിപ്പോർട്ട് ചെയ്തിട്ടുള്ളത്. 2022 ൽ പാകിസ്ഥാനിൽ ഇത് 241 ആയിരുന്നെങ്കിൽ ബംഗ്ലദേശിൽ 47 ആയിരുന്നു. 2023 ൽ പാകിസ്ഥാനിൽ 103 കേസുകളും ബംഗ്ലദേശിൽ 302 കേസുകളും റിപ്പോർട്ട് ചെയ്യപ്പെട്ടു.
