പ്രഥമ ഖൊ ഖൊ ലോകകപ്പിന് ഇന്ന് ഡല്ഹിയിലെ ഇന്ദിരാഗാന്ധി ഇന്ഡോര് സ്റ്റേഡിയത്തില് തുടക്കമാകും. പുരുഷ-വനിതാ വിഭാഗങ്ങളിലായി 24 രാജ്യങ്ങളാണ് ടൂര്ണമെന്റില് പങ്കെടുക്കുന്നത്. ഇന്ന് രാത്രി 8.30-ന് നടക്കുന്ന ഉദ്ഘാടന മത്സരത്തില് ഇന്ത്യൻ പുരുഷ ടീം നേപ്പാളിനെ നേരിടും. നാളെ ദക്ഷിണ കൊറിയക്കെതിരെയാണ് വനിതാ ടീമിന്റെ ആദ്യ മത്സരം.
പുരുഷ വിഭാഗത്തില് 20 ടീമുകളും വനിതാ വിഭാഗത്തില് 19 ടീമുകളുമാണ് ലോകകപ്പില് മത്സരിക്കുന്നത്. ബോളിവുഡ് താരം സല്മാന് ഖാനാണ് ടൂര്ണമെന്റിന്റെ ബ്രാന്ഡ് അംബാസഡര്. ടിവിയില് സ്റ്റാര് സ്പോര്ട്സിലും ദൂരദര്ശനിലും ലൈവ് സ്ട്രീമിംഗില് ഹോട് സ്റ്റാറിലും മത്സരങ്ങള് കാണാം.