വാഷിംഗ്ടൺ: അമേരിക്കൻ ഫുഡ് ആൻഡ് ഡ്രഗ് അഡ്മിനിസ്ട്രേഷനിലെ ഭക്ഷ്യ വിഭാഗം മേധാവി ജിം ജോൺസ് രാജിവച്ചു. കഴിഞ്ഞയാഴ്ച ട്രംപ് ഭരണകൂടം ആയിരക്കണക്കിന് ഫെഡറൽ ജീവനക്കാരെ പിരിച്ചുവിട്ടതിന് പിന്നാലെയാണ് ജോൺസിന്റെ രാജി. വ്യവസായ പ്രസിദ്ധീകരണമായ ഫുഡ് ഫിക്സാണ് ജോൺസിന്റെ രാജി ആദ്യം റിപ്പോർട്ട് ചെയ്തത്.
ഭക്ഷ്യ വിഭാഗത്തിൽ നിന്ന് 89 പേരെ പിരിച്ചുവിട്ടത് ഗ്രൂപ്പിനെ ഫലപ്രദമായി തകർത്തുവെന്ന് സ്റ്റാറ്റ് ന്യൂസിന് നൽകിയ അഭിമുഖത്തിൽ ജോൺസ് പറഞ്ഞു.ഭക്ഷണക്രമവുമായി ബന്ധപ്പെട്ട വിട്ടുമാറാത്ത രോഗങ്ങളും ഭക്ഷണത്തിലെ രാസവസ്തുക്കളിൽ നിന്നുള്ള അപകടസാധ്യതകളും കുറച്ചുകൊണ്ട് അമേരിക്കക്കാരുടെ ആരോഗ്യം മെച്ചപ്പെടുത്തുക എന്ന വകുപ്പിന്റെ അജണ്ട പിന്തുടരുന്നതിനായി പ്രവർത്തിക്കാൻ ഞാൻ ആകാംക്ഷയോടെ കാത്തിരിക്കുകയായിരുന്നു.
Also Read: പാകിസ്ഥാനിൽ എന്നെ വധശിക്ഷയ്ക്ക് വിധിക്കാൻ ശ്രമിച്ചു: മാർക്ക് സക്കർബർഗ്
എന്നാൽ ഈ ലക്ഷ്യങ്ങൾ യാഥാർത്ഥ്യമാക്കാൻ എനിക്ക് സാധിച്ചില്ലെന്ന് ജിം ജോൺസ് സ്റ്റാറ്റിനോട് പറഞ്ഞു. പരിസ്ഥിതി സംരക്ഷണ ഏജൻസിയിൽ മൂന്ന് പതിറ്റാണ്ട് സേവനമനുഷ്ഠിച്ചതിന് ശേഷം 2023 ൽ ആണ് ജോൺസ് എഫ്ഡിഎയുടെ ഭക്ഷ്യ വിഭാഗത്തെ നയിക്കാൻ തുടങ്ങിയത്.
