ഇസ്രയേല്‍ ഒരു ആഭ്യന്തരയുദ്ധത്തിലേക്ക് നീങ്ങുകയാണെന്ന കടുത്ത മുന്നറിയിപ്പുമായെത്തിയിരിക്കുകയാണ് അവിടുത്തെ പ്രമുഖ നിയമജ്ഞന്‍ അഹരോണ്‍ ബരാക്. ഫെബ്രുവരി 20 ന് അദ്ദേഹം നടത്തിയ അഭിമുഖങ്ങളില്‍ പ്രധാനമന്ത്രി ബെഞ്ചമിന്‍ നെതന്യാഹുവിന്റെ അധികാര കേന്ദ്രീകരണത്തെ ബരാക് ശക്തമായി വിമര്‍ശിച്ചു. രാജ്യം ഒരു ആഭ്യന്തരയുദ്ധത്തിലേക്ക് നീങ്ങുന്ന തരത്തിലേക്ക് അദ്ദേഹം രാജ്യത്തെ വിഭജിച്ചുവെന്ന് ബരാക് പറഞ്ഞു. ഇസ്രയേല്‍ സമൂഹത്തിലെ പ്രധാന പ്രശ്നം ഇസ്രയേലികള്‍ തമ്മിലുള്ള കടുത്ത വിടവാണ്’ എന്ന് യെനെറ്റിന് നല്‍കിയ അഭിമുഖത്തില്‍ ബരാക് പറഞ്ഞു.
Also Read: കരുത്തു കൂട്ടാന്‍ വിമാനവേധ ആയുധങ്ങള്‍, കൂട്ടിനു റഷ്യയും, ഡബിള്‍ സ്ട്രോങില്‍ ഉത്തരകൊറിയ
രാജ്യത്തുള്ള ‘ഈ ഭീന്നത കൂടുതല്‍ വഷളായിക്കൊണ്ടിരിക്കുകയാണ്. ഒടുവില്‍, ഇസ്രയേല്‍ പാളത്തില്‍ നിന്ന് തെന്നിമാറി അഗാധത്തിലേക്ക് വീഴുന്ന ഒരു ട്രെയിന്‍ പോലെയാകുമെന്ന് താന്‍ ഭയപ്പെടുന്നു. ഇത് ഒരു ആഭ്യന്തര യുദ്ധത്തിലേക്കാണ് പോകുന്നതെന്നും 1995-2006 കാലഘട്ടത്തില്‍ സുപ്രീംകോടതി ചീഫ് ജസ്റ്റിസായി സേവനമനുഷ്ഠിച്ച ബരാക് ഇസ്രയേലിന് മുന്നിറിയിപ്പ് നല്‍കി. ഷിന്‍ ബെറ്റ് ചീഫ് റോണന്‍ ബാറിനെ പുറത്താക്കാനുള്ള നെതന്യാഹുവിന്റെ തീരുമാനത്തിനെതിരെ വ്യാപകമായ പ്രതിഷേധങ്ങളും പ്രക്ഷോഭങ്ങളും നടക്കുന്നതിനിടെയാണ് ബരാക്കിന്റെ പരാമര്‍ശം കൂടെ പുറത്ത് വന്നിരിക്കുന്നത്. ബാറിന്റെ കഴിവില്‍ തനിക്ക് വിശ്വാസം നഷ്ടപ്പെട്ടുവെന്നും അതുകൊണ്ടാണ് അദ്ദേഹത്തെ പുറത്താക്കേണ്ടി വന്നതെന്നുമായിരുന്നു നെതന്യാഹുവിന്റെ അവകാശവാദം.
അഴിമതി ഇടപാടുകള്‍ ആരോപിക്കപ്പെടുന്ന തന്റെ കൂട്ടാളികളെക്കുറിച്ചുള്ള അന്വേഷണം അടിച്ചമര്‍ത്താനും അധികാരം കേന്ദ്രീകരിക്കാനുമുള്ള നെതന്യാഹുവിന്റെ ആഗ്രഹമാണ് പുറത്താക്കലിന് കാരണമെന്ന് വിമര്‍ശകര്‍ വാദിക്കുന്നുണ്ട്. ചാനല്‍ 12 ന് നല്‍കിയ അഭിമുഖത്തില്‍, ഇസ്രയേല്‍ ആഭ്യന്തര സംഘര്‍ഷത്തിന് അടുത്താണെന്ന് ബരാക് പറഞ്ഞു, ”ജനങ്ങള്‍ക്കിടയിലുള്ള വിടവ് വളരെ വലുതാണ്, അത് പരിഹരിക്കാന്‍ ഒരു ശ്രമവും ആരും നടത്തുന്നില്ലെന്നും അദ്ദേഹം പറഞ്ഞു. എല്ലാവരും കാര്യങ്ങള്‍ കൂടുതല്‍ വഷളാക്കാന്‍ ശ്രമിക്കുകയാണ്. രാജ്യത്ത് നടക്കുന്ന പ്രകടനങ്ങളും ഇസ്രയേലിന്റെ സമാധാനം കളയുന്നവയാണ്. ജറുസലേമില്‍ നടന്ന നെതന്യാഹു വിരുദ്ധ പ്രതിഷേധത്തിനിടെ ഒരാള്‍ പ്രതിഷേധക്കാരുടെ മേല്‍ കാര്‍ ഇടിപ്പിച്ച സംഭവത്തെ പരാമര്‍ശിച്ചുകൊണ്ട് അദ്ദേഹം പറഞ്ഞു, ഇന്ന് അപകടമാണെങ്കില്‍ നാളെ വെടിവയ്പ്പ് ഉണ്ടാകും അതിന്റെ പിറ്റേന്ന് രക്തച്ചൊരിച്ചില്‍ ഉണ്ടാകും കാര്യങ്ങള്‍ ഇങ്ങനെയാണ് പോകുന്നതെങ്കില്‍ ഇസ്രയേലിന്റെ കാര്യത്തില്‍ ഉടന്‍ തീരുമാനമാകുമെന്നും ബരാക് പറഞ്ഞു.
ഇസ്രയേലിന്റെ ചരിത്രത്തിലെ തന്നെ ഏറ്റവും തീവ്രമായതും മോശമായതുമായ സര്‍ക്കാരിനെയാണ് നെതന്യാഹു ഇപ്പോള്‍ നയിക്കുന്നത്. ഒക്ടോബര്‍ 7 ലെ ആക്രമണം വരെ മാസങ്ങളായി തുടരുകയാണ്. നെതന്യാഹുവിന്റെ നിര്‍ദ്ദിഷ്ട ജുഡീഷ്യല്‍ പുനഃസ്ഥാപനത്തിനെതിരെ രാജ്യവ്യാപകമായി ആരംഭിച്ച പ്രതിഷേധങ്ങള്‍ ഇസ്രയേലിനെ നന്നെ പിടിച്ചുലച്ചിരുന്നു. പ്രതിഷേധങ്ങള്‍ മുമ്പൊരിക്കലുമില്ലാത്തവിധം രാജ്യത്തെ വിഭജിച്ചു. രാഷ്ട്രം വളരെ ധ്രുവീകരിക്കപ്പെട്ടു, സൈനിക ഉദ്യോഗസ്ഥര്‍ പോലും പ്രതിഷേധങ്ങളില്‍ പങ്കുചേര്‍ന്നു. പ്രതിഷേധങ്ങളില്‍ നിന്നുള്ള ശ്രദ്ധ തിരിക്കല്‍ ഒക്ടോബര്‍ 7 ലെ ആക്രമണത്തെ പല തരത്തില്‍ പ്രചരിപ്പിച്ചു. എല്ലാ ബന്ദികളെയും മോചിപ്പിക്കുന്നതിന് വേണ്ടി തന്റെ തീവ്രവാദ സഖ്യകക്ഷികളെ പ്രീണിപ്പിക്കാന്‍ ഗാസയില്‍ യുദ്ധം നടത്തുന്നതിന് നെതന്യാഹു മുന്‍ഗണന നല്‍കിയതോടെ അത്തരം ഭിന്നതകള്‍ കൂടുതല്‍ രൂക്ഷമായി.
ആത്മവിശ്വാസം നഷ്ടപ്പെട്ടതിന്റെ പേരില്‍ ഷിന്‍ ബെറ്റ് മേധാവിയെ പുറത്താക്കാന്‍ കഴിയില്ലാത്തതിനാല്‍ നെതന്യാഹുവിന്റെ പിരിച്ചുവിടല്‍ നടപടി നിയമവിരുദ്ധമാകുമെന്ന് ബരാക് പറഞ്ഞു. നിയമനിര്‍മ്മാണത്തിന് അനുസൃതമായിരിക്കണം നടപടിയെന്നും അദ്ദേഹം പറഞ്ഞു. ബാറിനെ പുറത്താക്കുന്നതിനെതിരെ അറ്റോര്‍ണി ജനറല്‍ ഗാലി ബഹരവ്-മിയറയും നെതന്യാഹുവിന് മുന്നറിയിപ്പ് നല്‍കിയിട്ടുണ്ട്. ബാറിന്റെ പിരിച്ചുവിടലില്‍ തീരുമാനമെടുക്കുന്നതിന് മുമ്പ് സീനിയര്‍ അപ്പോയിന്റ്‌മെന്റ്‌സ് അഡൈ്വസറി കമ്മിറ്റിയില്‍ നിന്ന് സര്‍ക്കാര്‍ ശുപാര്‍ശ നേടണമെന്ന് അവരുടെ ഓഫീസ് പ്രസ്താവനയില്‍ പറയുന്നു. 2016 ലെ മന്ത്രിസഭാ പ്രമേയം ഉദ്ധരിച്ച്, ഷിന്‍ ബെറ്റ് മേധാവി എന്നല്ല മുതിര്‍ന്ന സിവില്‍ സര്‍വീസ് സ്ഥാനങ്ങളില്‍ നിന്നുള്ള ആരെയെങ്കിലും പിരിച്ചുവിടുന്നതിന് കമ്മിറ്റി അംഗീകാരം നല്‍കണമെന്ന് ഓഫീസ് പറഞ്ഞതായി ടൈംസ് ഓഫ് ഇസ്രയേല്‍ റിപ്പോര്‍ട്ട് ചെയ്യുന്നുണ്ട്.
Also Read: ദുരൂഹ സാഹചര്യത്തില്‍ അപ്രത്യക്ഷമായി, കണ്ടെത്താനുള്ള അവസാന ശ്രമവുമായി മലേഷ്യ
നെതന്യാഹുവിന്റെയും അദ്ദേഹത്തിന്റെ നയങ്ങളുടെയും കടുത്ത വിമര്‍ശകനായിരുന്ന ബരാക്, ഗാസയിലെ യുദ്ധത്തിനിടയില്‍ ദക്ഷിണാഫ്രിക്ക ഇസ്രയേലിനെതിരെ കൊണ്ടുവന്ന വംശഹത്യ കേസില്‍ അന്താരാഷ്ട്ര നീതിന്യായ കോടതിയില്‍ ഇസ്രയേലിനെ പ്രതിനിധീകരിച്ചിരുന്നു. പിന്നീട് വ്യക്തിപരമായ കാരണങ്ങളാല്‍ കഴിഞ്ഞ ജൂണില്‍ ബരാക് കോടതിയില്‍ നിന്ന് സ്വയം ഒഴിയുകയായിരുന്നു. അന്താരാഷ്ട്രതലത്തില്‍ ഏറെ ബഹുമാനിക്കപ്പെടുന്നയാളാണ് ബരാക്. ഇസ്രയേലിന്റെ പ്രമുഖ നിയമജ്ഞനായാണ് അദ്ദേഹത്തെ കാണുന്നത്. ഇസ്രയേലിനുള്ളില്‍, നെതന്യാഹുവും മറ്റ് വലതുപക്ഷ നേതാക്കളും അദ്ദേഹത്തെ വളരെക്കാലമായി ഒരു ഇടതുപക്ഷ ‘ആക്ടിവിസ്റ്റ്’ ആയിട്ടാണ് കാണുന്നത്. ഗവണ്‍മെന്റിന്റെ വിവാദപരമായ ജുഡീഷ്യല്‍ പുനഃസ്ഥാപന പദ്ധതികള്‍ പരിഹരിക്കാന്‍ ലക്ഷ്യമിടുന്ന ഇസ്രയേലിന്റെ നീതിന്യായ വ്യവസ്ഥയിലെ പല പ്രശ്നങ്ങളും അദ്ദേഹം വെളിച്ചത്ത് കൊണ്ടു വന്നിട്ടുണ്ട്.
അധികാര ദുര്‍വിനിയോഗത്തിന്റെ ഏറ്റവും വ്യക്തമായ മുഖമാണ് ബെഞ്ചമിന്‍ നെതന്യാഹുവിന്റേതെന്നതില്‍ സംശയമൊന്നുമില്ല. സ്വന്തം കൂട്ടാളികളെ രക്ഷിക്കാനും ചെയ്യുന്ന തോന്നിവാസങ്ങള്‍ ജനങ്ങളില്‍ നിന്നും മറച്ചുവെക്കാനും പ്രധാനമന്ത്രിയെന്ന പദവി ഉപയോഗിക്കുന്ന ഇസ്രയേല്‍ ചരിത്രത്തിലെ തന്നെ ഒരെയൊരു നേതാവാണ് നെതന്യാഹു. ഇറാന്റെ കടുത്ത ഭീഷണികള്‍ നിലനില്‍ക്കെ രാജ്യത്തിനകത്ത് തന്നെ ഭരണ വിരുദ്ധ വികാരം പൊട്ടിപ്പുറപ്പെട്ട സാഹചര്യത്തില്‍ എത്രയൊക്കെ അധികാരം പിടിച്ചു നിര്‍ത്താന്‍ ശ്രമിച്ചാലും അധിക കാലമൊന്നും മുന്നോട്ട് കൊണ്ടുപോകാന്‍ ഇനി നെതന്യാഹുവിന് സാധിക്കില്ല. ജീവന് തന്നെ ഭീഷണിയുള്ള ഈ സാഹചര്യത്തില്‍ അതിന് രാജ്യത്തിന് അകത്ത് നിന്നാണോ പുറത്ത് നിന്നാണോ നടപ്പിലാകുക എന്നതില്‍ മാത്രമെ ഇപ്പോള്‍ സംശയമൊള്ളു..!
