നടുവേദന ബുദ്ധിമുട്ടിക്കുന്നവരുടെ എണ്ണം കൂടിവരുന്നു. മോശം പോസ്‌ചർ, ജീവിതശൈലി, പോഷകാഹാരക്കുറവ് എന്നിവ മൂലം നട്ടെല്ലിനും ഡിസ്കുകൾക്കും ഏൽക്കുന്ന ആഘാതങ്ങളാണ് ഇതിന് കാരണം. ആദ്യഘട്ടത്തിൽ അവഗണിക്കുന്ന ഈ വേദന പിന്നീട് വൈകല്യങ്ങൾ വരെ ഉണ്ടാക്കാം. ഇരിപ്പിലും ചലനത്തിലും ഉറക്കത്തിലുമുള്ള ചെറിയ പിഴവുകൾ പോലും നടുവിന്റെ ആരോഗ്യത്തെ തകരാറിലാക്കും.
ഇരുത്തത്തിലെ പിഴവുകൾ നടുവിന് വലിയ ആഘാതമാകും. പുറം വളഞ്ഞിട്ടുള്ള മണിക്കൂറുകളിലെ ഇരിപ്പ് ഡിസ്ക് പ്രോലാപ്സിനും തേയ്മാനത്തിനും കാരണമാകും. അമിതമായി മൃദുവായ മെത്തയിൽ കിടക്കുന്നതും കമിഴ്ന്ന് കിടക്കുന്നതും പേശികളെ വലിഞ്ഞുമുറുക്കും. അതുപോലെ, മണിക്കൂറുകളോളം ഫോണിലേക്ക് കുനിഞ്ഞിരിക്കുന്നത് ‘ടെക് നെക്ക്’ വഴി സെർവിക്കൽ സ്പോണ്ടിലോസിസിനും വഴിവെക്കും.
Also Read: ചൂടുകൂടുന്നു, പാമ്പുകൾ വീടിനുള്ളിലേക്ക് എത്തിയേക്കാം; ജാഗ്രത കൈവിടരുതേ!
വ്യായാമക്കുറവുള്ള ഉദാസീനമായ ജീവിതശൈലി കോർ മസിലുകളെ ദുർബലപ്പെടുത്തും. ഇത് ലിഗമെന്റുകളിൽ തുടർച്ചയായ സമ്മർദം ഉണ്ടാക്കുന്നു. ഭാരമുള്ള വസ്തുക്കൾ എടുക്കുമ്പോൾ അരക്കെട്ട് വളയ്ക്കുന്നതും പേശി സങ്കോചത്തിനും ഡിസ്ക് പരിക്കിനും കാരണമാകും. ഈ ചെറിയ ശീലങ്ങൾ മാറ്റാത്ത പക്ഷം വിട്ടുമാറാത്ത നടുവേദനയാകും ഫലം.
നടുവിനെ സംരക്ഷിക്കാൻ ശീലങ്ങളിൽ മാറ്റം വേണം. നിവർന്ന് ഇരിക്കുക, ഫോൺ ഉപയോഗം പരിമിതപ്പെടുത്തുക, ഭാരമുള്ള വസ്തുക്കൾ ശരിയായ രീതിയിൽ ഉയർത്തുക, കോർ മസിലുകൾക്ക് കരുത്തുനൽകുന്ന വ്യായാമങ്ങൾ ചെയ്യുക എന്നിവ പ്രധാനമാണ്. കിടക്കാനായി അമിത മൃദുത്വമില്ലാത്ത മെത്ത തിരഞ്ഞെടുക്കുന്നതും നടുവേദന ഒഴിവാക്കാൻ സഹായിക്കും.
NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (AI SOURCES)
