1971 ലെ യുദ്ധത്തിനുശേഷം ഇന്ത്യൻ നാവികസേന പാക്കിസ്ഥാനെതിരെ നേരിട്ട് മുന്നണി തുറക്കുന്നത് ഇതാദ്യമായാണ്. പ്രാഥമിക മാധ്യമ റിപ്പോർട്ടുകൾ പ്രകാരം, നാവികസേന പാക്കിസ്ഥാനിലെ നിർണായക നാവിക കേന്ദ്രങ്ങളിലെല്ലാം മിസൈൽ ആക്രമണം നടത്തി, ഇത് ഗണ്യമായ നാശനഷ്ടങ്ങൾ വരുത്തിവയ്ക്കുകയും രാജ്യത്തിന്റെ തീരപ്രദേശത്ത് പരിഭ്രാന്തി സൃഷ്ടിക്കുകയും ചെയ്തു. മുംബൈയിൽ നിന്ന് പ്രവർത്തിക്കുന്ന ഇന്ത്യൻ നാവികസേനയുടെ വെസ്റ്റേൺ ഫ്ലീറ്റ് പൂർണ്ണമായും വിന്യസിക്കപ്പെട്ടിട്ടുണ്ട്, ഈ പ്രദേശങ്ങളിൽ എന്തെങ്കിലും തരത്തിലുള്ള ആക്രമണം ഉണ്ടായാൽ അവർ പ്രതികാരത്തിനും പ്രതികരണത്തിനും പൂർണ്ണമായും തയ്യാറാണ്.
1971 ഡിസംബറിൽ, ഇന്ത്യ-പാക്കിസ്ഥാൻ യുദ്ധസമയത്ത്, പാക്കിസ്ഥാനിലെ ഏറ്റവും പ്രധാനപ്പെട്ട തുറമുഖ നഗരവും നാവിക ആസ്ഥാനവുമായ കറാച്ചിയിൽ ഇന്ത്യൻ നാവികസേന രണ്ട് ധീരമായ നാവിക ആക്രമണങ്ങൾ നടത്തിയിരുന്നു. 1971 ഡിസംബർ 4 ന് ആരംഭിച്ച ഓപ്പറേഷൻ ട്രൈഡന്റ്, കറാച്ചി തുറമുഖത്ത് ഇന്ത്യൻ നാവികസേന നടത്തിയ ഒരു അപ്രതീക്ഷിത നാവിക ആക്രമണമായിരുന്നു. ഈ മേഖലയിലെ യുദ്ധത്തിൽ ആദ്യമായി കപ്പൽവേധ മിസൈലുകളും അന്ന് ഇന്ത്യ പ്രയോഗിച്ചു.
Also Read: ആവര്‍ത്തിക്കുന്ന മണ്ടത്തരങ്ങള്‍, ഇന്ത്യന്‍ കര്‍ഷകര്‍ക്ക് മുന്നില്‍ വരെ മുട്ടുമടക്കിയ പാക്കിസ്ഥാന്
അന്ന് മുതലാണ് ഇന്ത്യ ഡിസംബർ 4 നേവ് ഡേ ആയി സെലിബ്രേറ്റ് ചെയ്യാൻ തുടങ്ങിയത്. പാക്കിസ്ഥാന്റെ നാവിക താവളത്തെ തളർത്തിയ ഈ ഓപ്പറേഷൻ 1971 യുദ്ധത്തിലെ ഒരു നിർണായക നിമിഷമായിരുന്നു, കൂടാതെ ഇന്ത്യൻ നാവികസേനയുടെ കഴിവുകൾ അന്ന് ശക്തമായി പ്രകടമാവുകയും ചെയ്തിരുന്നു. നാവികസേനാ ഉദ്യോഗസ്ഥരുടെ ധീരതയെയും ത്യാഗങ്ങളെയും ഓർമ്മിക്കുന്നതിനും ഇന്ത്യയുടെ സമുദ്ര സുരക്ഷയ്ക്കും അന്താരാഷ്ട്ര ബന്ധങ്ങൾക്കുമുള്ള നാവികസേനയുടെ സംഭാവനകളെ ആഘോഷിക്കുന്നതിനുമുള്ള ഒരു ദിവസമായാണ് അന്ന് മുതൽ ഡിസംബർ 4 ഇന്ത്യ ആഘോഷിക്കുന്നത്.
Also Read: ഡിജിറ്റൽ യുദ്ധത്തിലും നാണക്കേട് തന്നെ, ഇന്ത്യയെ ഒരിടത്തും തൊടാൻ പാക്കിസ്ഥാന് കഴിയില്ല!
അതേസമയം, തീവ്രവാദത്തിനെതിരെ ഒറ്റക്കെട്ടായി നിലകൊള്ളുമെന്നും അയൽ രാജ്യത്തിനെതിരെ നമ്മുടെ മണ്ണ് ഉപയോഗിക്കാൻ ഒരു ശത്രു ശക്തിയെയും അനുവദിക്കില്ലെന്നും പ്രസ്താവിച്ച് ഇന്ത്യയ്ക്ക് പിന്തുണയുമായെത്തിയിരിക്കുകയാണ് നേപ്പാൾ. സംഘർഷം അവസാനിപ്പിച്ച് സമാധാനം പുനസ്ഥാപിക്കുമെന്നാണ് പ്രതീക്ഷിക്കുന്നതെന്നും നേപ്പാൾ അറിയിച്ചു. അതിനിടയിൽ, നിയന്ത്രണ രേഖയ്ക്ക് അപ്പുറത്തുള്ള നിരവധി പാക്കിസ്ഥാൻ സൈനിക പോസ്റ്റുകൾ തകർക്കാൻ ഇന്ത്യൻ സൈന്യം ആന്റി-ടാങ്ക് ഗൈഡഡ് മിസൈലുകൾ (എടിജിഎം) ഉപയോഗിച്ചതായി പ്രതിരോധ വൃത്തങ്ങൾ അറിയിച്ചു.
ടാങ്കുകളെ പ്രത്യേകിച്ച് കവചിത വാഹനങ്ങളെ നശിപ്പിക്കാൻ രൂപകൽപ്പന ചെയ്ത ഒരു ആയുധ സംവിധാനമാണ് ആന്റി-ടാങ്ക് ഗൈഡഡ് മിസൈൽ (ATGM). ഈ മിസൈലുകൾ “ഗൈഡഡ്” ആണ്, അതായത് അവയെ ഒരു ലക്ഷ്യത്തിലേക്ക് നയിക്കാനോ ലോക്ക് ചെയ്യാനോ കഴിയും. കനത്ത കവചിത സൈനിക വാഹനങ്ങൾ ഇടിച്ചു തകർക്കുന്നതിനാണ് ഇവ പ്രധാനമായും രൂപകൽപ്പന ചെയ്തിരിക്കുന്നത്. തോളിൽ നിന്നോ, ട്രൈപോഡുകളിൽ നിന്നോ, വാഹനങ്ങളിൽ നിന്നോ, വിമാനങ്ങളിൽ നിന്നോ ഇവ വെടിവയ്ക്കാം. പല ആധുനിക ആന്റി-ടാങ്കുകളിലും ഡ്യുവൽ-മോഡ് സീക്കർ എന്ന് വിളിക്കുന്ന ഒന്ന് ഉണ്ട്, ഇത് അവയെ ലക്ഷ്യം കൂടുതൽ കൃത്യമായി കണ്ടെത്താനും പിന്തുടരാനും സഹായിക്കുന്നു.
Also Read: നിലം തൊടനാകാതെ മടക്കം; പാക് പ്രതിരോധ സംവിധാനങ്ങളെ തച്ചുടച്ച് ഇന്ത്യ
സൈനികർക്ക് സുരക്ഷിതമായ അകലത്തിൽ നിന്ന് കവചിത ഭീഷണികളെ നേരിടാൻ ഇതിലൂടെ സാധിക്കും. പകലും രാത്രിയും പ്രവർത്തിക്കാൻ കഴിയുന്ന തരത്തിലാണ്ആന്റി-ടാങ്കുകൾ നിർമ്മിച്ചിരിക്കുന്നത്, അതിനാൽ എല്ലാത്തരം സാഹചര്യങ്ങളിലും അവ ഉപയോഗപ്രദമാകും. അവയിൽ ചിലതിന് ‘ടോപ്പ്-അറ്റാക്ക്’ മോഡും ഉണ്ട്, അതായത് അവയ്ക്ക് ഏറ്റവും ദുർബലമായ നിന്ന് പോലും ശത്രുവിനെ നേരിടാം. ഇന്ന് 130-ലധികം രാജ്യങ്ങൾ ആന്റി-ടാങ്ക് ഗൈഡഡ് മിസൈലുകൾ ഉപയോഗിക്കുന്നുണ്ട്, റഷ്യ-യുക്രെയ്ൻ യുദ്ധം പോലുള്ള സംഘർഷങ്ങളിൽ അവ വ്യാപകമായി കാണപ്പെട്ടിട്ടുണ്ട്.
അതിനിടയിൽ, ആശ്രയിക്കുമെന്ന് കരുതിയിരുന്ന രാജ്യങ്ങളൊക്കെ പാക്കിസ്ഥാനെ കൈവിട്ട് കൊണ്ടിരിക്കുകയാണ്. ഇരുട്ടടി പോലെ രാജ്യത്തിനകത്ത് ബലൂചിസ്ഥാൻ ആർമിയുടെ അധിനിവേശവും അഫ്ഗാൻ അതിർത്തിയിലെ അശാന്തിയുമെല്ലാം പാക്കിസ്ഥാന് വിനയായികൊണ്ടിരിക്കുകയാണ്. പാക്കിസ്ഥാനെ രക്ഷിക്കാൻ ഇനി ഇമ്രാൻ ഖാന് മാത്രമെ സാധിക്കുകയൊള്ളുവെന്ന് പറഞ്ഞ്കൊണ്ട് ഖാന്റെ പാർട്ടി അദ്ദേഹത്തെ പുറത്തിറക്കാൻ പ്രതിഷേധവുമായി തെരുവിലിറങ്ങിയിരിക്കുകയാണ്. പാക്കിസ്ഥാനെ രക്ഷിക്കാൻ ഇമ്രാൻ ഖാനെ മോചിപ്പിക്കണം എന്നാണ് പിടിഐ പ്രവർത്തകരുടെ ആവശ്യം. ഇസ്ലാമാബാദിലും ലാഹോറിലും കറാച്ചിയിലുമെല്ലാം ഇന്ത്യ സേന മിസൈൽ വർഷിക്കുന്നതിനിടെയാണ് പിടിഐ പ്രവർത്തകർ ഇമ്രാന്റെ മോചനം ആവശ്യപ്പെടുന്നത്.
