ഇന്ത്യയുമായുള്ള ബന്ധം കൂടുതൽ മെച്ചപ്പെടുത്തണമെന്ന് അമേരിക്കൻ വൈസ് പ്രസിഡന്റ് ജെ ഡി വാൻസ്. ദക്ഷിണേഷ്യൻ രാജ്യം അമേരിക്കയിൽ നിന്ന് കൂടുതൽ പ്രതിരോധ ഉപകരണങ്ങളും ഊർജ്ജവും വാങ്ങണമെന്നും അമേരിക്ക അവരുടെ വിപണിയിലേക്ക് കൂടുതൽ പ്രവേശനം അനുവദിക്കണമെന്നും ഇത് പ്രതീക്ഷിക്കുന്ന ഉഭയകക്ഷി വ്യാപാര കരാറിന് ആക്കം കൂട്ടുമെന്നും അദ്ദേഹം പറഞ്ഞു.
നാല് ദിവസത്തെ ഇന്ത്യാ സന്ദർശനത്തിനെത്തിയ വാൻസ്, തിങ്കളാഴ്ച നടന്ന ചർച്ചകളിൽ താനും പ്രധാനമന്ത്രി നരേന്ദ്ര മോദിയും വ്യാപാര ചർച്ചകളിൽ പുരോഗതി കൈവരിച്ചതായും, വ്യാപാര ചർച്ചകൾക്കുള്ള നിബന്ധനകൾ ഇരുപക്ഷവും അന്തിമമാക്കിയെന്നും, അന്തിമ കരാറിനുള്ള റോഡ് മാപ്പ് സജ്ജീകരിക്കുന്നതിനുള്ള സുപ്രധാന നടപടിയാണിതെന്നും കൂട്ടിച്ചേർത്തു.
Also Read: കാശ്മീരിന്റെ വിരിമാറിൽ രക്തക്കറ വീഴുമ്പോൾ ..!
ഈ വർഷം തന്നെ ഇന്ത്യയും അമേരിക്കയും തമ്മിൽ ഉഭയകക്ഷി വ്യാപാര കരാറിൽ ഒപ്പുവെക്കാൻ സാധിക്കുമെന്നാണ് പ്രതീക്ഷ. 2030 ഓടെ ഇരു രാജ്യങ്ങളും തമ്മിലുള്ള വ്യാപാരം ഇരട്ടിയാക്കുക എന്ന ലക്ഷ്യവും ഇരു രാജ്യങ്ങളും മുന്നോട്ട് വെക്കുന്നുണ്ട്. ഈ വ്യാപാര കരാർ യാഥാർത്ഥ്യമായാൽ ഇരു രാജ്യങ്ങളും തമ്മിലുള്ള സാമ്പത്തിക ബന്ധം മെച്ചപ്പെടുകയും നയതന്ത്ര ബന്ധം ശക്തിപ്പെടുകയും ചെയ്യും.
