രാജസ്ഥാൻ: ഭാര്യയ്ക്ക് അവിഹിത ബന്ധമുണ്ടെന്ന് സംശയിച്ച് ഭര്‍ത്താവ് ബന്ധുവിനെ കൊലപ്പെടുത്തി. രാജസ്ഥാനിൽ ഇന്നലെയാണ് സംഭവം നടന്നത്. ദീപക് കുഷ്വാഹ് (32) എന്ന യുവാവിനെ ചന്ദ്രപ്രകാശ് കുഷ്വാഹിതാണ് കൊലപ്പെടുത്തിയത്. ഭാര്യയുടെ വീട്ടില്‍ നിരന്തരം ദീപക് വരാറുള്ളത് ചന്ദ്രപ്രകാശ് കുഷ്വാഹിന് ഇഷ്ടമില്ലായിരുന്നു.
ഭാര്യ രേഖ കുഷ്വാഹ് അമ്മയോടൊപ്പം ബോരേഖേഡയിലാണ് താമസം. ഇന്നലെ രാവിലെ ചന്ദ്രപ്രകാശ് രേഖയുടെ വീട്ടിലെത്തിയപ്പോള്‍ ദീപക്കിനെ അവിടെ കണ്ടു. ദേഷ്യം വന്ന ചന്ദ്രപ്രകാശ്, ദീപക്കുമായി തർക്കിക്കുകയും തുടർന്ന് കുത്തിക്കൊലപ്പെടുത്തുകയായിരു ന്നു. തർക്കത്തെ തുടർന്ന് ഭാര്യയെയും അമ്മായിയമ്മയെയും ചന്ദ്രപ്രകാശ് കുത്തി. പരിക്കേറ്റ ദീപക്കിനെ എംബിഎസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുത്തേറ്റ അമ്മായിയമ്മയുടെ നിലയും ഗുരുതരമാണ്. സംഭവത്തിൽ ചന്ദ്രപ്രകാശ് കുഷ്വാഹിനെതിരെ കൊലക്കുറ്റം ചുമത്തിയിട്ടുണ്ടെന്ന് ബോരേഖേഡ പൊലീസ് സ്റ്റേഷൻ സർക്കിൾ ഇൻസ്പെക്ടർ ദേവേഷ് ഭർദ്വാജ് പറഞ്ഞു.
