റഷ്യയ്‌ക്കെതിരെ ഉപരോധം നീട്ടാനുള്ള യൂറോപ്യന്‍ യൂണിയന്റെ നടപടിക്കെതിരെ ഹംഗറി

യുക്രെയ്‌നുള്ള സഹായത്തെയും റഷ്യയ്‌ക്കെതിരായ ഉപരോധത്തെയും എതിര്‍ക്കുന്ന ഓര്‍ബന്‍ വളരെക്കാലമായി യൂറോപ്യന്‍ യൂണിയന്‍ രാജ്യങ്ങളുമായി അഭിപ്രായ ഭിന്നതയിലാണ്

റഷ്യയ്‌ക്കെതിരെ ഉപരോധം നീട്ടാനുള്ള യൂറോപ്യന്‍ യൂണിയന്റെ നടപടിക്കെതിരെ ഹംഗറി
റഷ്യയ്‌ക്കെതിരെ ഉപരോധം നീട്ടാനുള്ള യൂറോപ്യന്‍ യൂണിയന്റെ നടപടിക്കെതിരെ ഹംഗറി

യുക്രെയ്ന്‍ സംഘര്‍ഷത്തിന്റെ പേരില്‍ റഷ്യയ്ക്കെതിരെ യൂറോപ്യന്‍ യൂണിയന്‍ ഏര്‍പ്പെടുത്തിയ ഉപരോധം നീട്ടുന്നത് ഹംഗറിയുടെ പ്രധാനമന്ത്രി വിക്ടര്‍ ഓര്‍ബന്‍ തടയുകയാണെന്ന് ബ്ലൂംബെര്‍ഗിന്റെ റിപ്പോര്‍ട്ട്. റഷ്യയ്‌ക്കെതിരെ യൂറോപ്യന്‍ യൂണിയന്‍ മുമ്പ് ഏര്‍പ്പെടുത്തിയ ഉപരോധം ജനുവരി 31-ന് അവസാനിക്കാനിരിക്കെ. ഉപരോധം നീട്ടാന്‍ ബ്ലോക്കിലെ 27 അംഗരാജ്യങ്ങളില്‍ നിന്ന് ഏകകണ്ഠമായ അംഗീകാരം ആവശ്യമാണ്. എന്നാല്‍, ഹംഗറി പ്രതിഷേധം തുടരുകയാണെങ്കില്‍ ഉപരോധം നീട്ടാന്‍ നിലവില്‍ ഒരു ബദല്‍ പദ്ധതിയും നിലവിലില്ല

റഷ്യയ്‌ക്കെതിരെയുള്ള യൂറോപ്യന്‍ യൂണിയന്റെ ഉപരോധ വ്യവസ്ഥയുടെ വിമര്‍ശകനാണ് ഓര്‍ബന്‍. റഷ്യയ്‌ക്കെതിരെ ഏര്‍പ്പെടുത്തിയ പതിനഞ്ച് റൗണ്ട് നിയന്ത്രണങ്ങള്‍ ബ്ലോക്കിന്റെ സമ്പദ്‌വ്യവസ്ഥ കൂടുതല്‍ ദോഷം വരുത്തുന്നുവെന്ന് അദ്ദേഹം ചൊവ്വാഴ്ച തന്റെ നിലപാട് ആവര്‍ത്തിച്ചു. അതേസമയം, പ്രതിസന്ധി മറികടക്കാന്‍ ബ്ലോക്കിന്റെ അംബാസഡര്‍മാര്‍ ഈ ആഴ്ച ഒന്നിലധികം മീറ്റിംഗുകള്‍ നടത്തുമെന്നും ബ്ലൂംബെര്‍ഗിന്റെ റിപ്പോര്‍ട്ടിലുണ്ട്. ഉപരോധം അവസാനിക്കാന്‍ ദിവസങ്ങള്‍ മാത്രം ശേഷിക്കെ, ജനുവരി 27 ന് ബ്രസല്‍സില്‍ അവര്‍ യോഗം ചേരും.

Also Read: ട്രംപിന്റെ ‘പുതിയ നിയമം’ ഇന്ത്യക്കാരെ ബാധിക്കും; ആശങ്കയോടെ ‘ഇന്ത്യന്‍ സമൂഹം’

റഷ്യയ്ക്കെതിരെ മുന്‍ അമേരിക്കന്‍ പ്രസിഡന്റ് ജോ ബൈഡന്‍ ഏര്‍പ്പെടുത്തിയ നിയന്ത്രണങ്ങള്‍ ട്രംപ് റദ്ദാക്കുമോ എന്ന് യൂറോപ്യന്‍ യൂണിയന്‍ ഉദ്യോഗസ്ഥര്‍ ആശങ്കപ്പെടുന്നതായി ഫിനാന്‍ഷ്യല്‍ ടൈംസ് മുമ്പ് റിപ്പോര്‍ട്ട് ചെയ്തിരുന്നു. യുക്രെയ്‌നുള്ള സഹായത്തെയും റഷ്യയ്‌ക്കെതിരായ ഉപരോധത്തെയും എതിര്‍ക്കുന്ന ഓര്‍ബന്‍ വളരെക്കാലമായി യൂറോപ്യന്‍ യൂണിയന്‍ രാജ്യങ്ങളുമായി അഭിപ്രായ ഭിന്നതയിലാണ്. 2024 ജൂലൈയില്‍ യുക്രെയ്ന്‍ ‘സമാധാന ദൗത്യത്തിന്റെ’ ഭാഗമായി റഷ്യന്‍ പ്രസിഡന്റ് വ്ളാഡിമിര്‍ പുടിനുമായി ഓര്‍ബന്‍ കൂടിക്കാഴ്ച നടത്തിയതിന് ശേഷം പിരിമുറുക്കം കൂടുതല്‍ വര്‍ദ്ധിച്ചു.

ഒരു യുദ്ധം നടക്കുമ്പോള്‍ യൂറോപ്യന്‍ ബിസിനസുകള്‍ക്കും വ്യവസായങ്ങള്‍ക്കും വികസന ലക്ഷ്യങ്ങളിലും വളര്‍ച്ചാ അവസരങ്ങളിലും ശ്രദ്ധ കേന്ദ്രീകരിക്കാന്‍ കഴിയില്ലെന്നും അതിനാല്‍ യുക്രെയ്ന്‍ സംഘര്‍ഷം അവസാനിപ്പിക്കാന്‍ എല്ലാം ചെയ്യേണ്ടതുണ്ടെന്ന് ഓര്‍ബന്‍ മുമ്പ് പറഞ്ഞിരുന്നു.

Share Email
Top