വിദേശത്ത് ജോലി ചെയ്യുന്ന പ്രഗത്ഭരായ ഇന്ത്യൻ വംശജരായ ഗവേഷകരെയും ശാസ്ത്രജ്ഞരെയും ഇന്ത്യയിലെ പ്രമുഖ അക്കാദമിക് – ഗവേഷണ സ്ഥാപനങ്ങളിലേക്ക് ആകർഷിക്കുന്നതിനായി കേന്ദ്ര വിദ്യാഭ്യാസ മന്ത്രാലയം ഒരൊരുക്കുന്ന ‘പ്രധാനമന്ത്രി റിസർച്ച് ചെയർ സ്കീം 2026’-ലേക്ക് അപേക്ഷ ക്ഷണിച്ചു. ദേശീയ മുൻഗണനകളുമായി പൊരുത്തപ്പെടുന്ന ഉയർന്ന സ്വാധീനമുള്ള ഗവേഷണ പദ്ധതികളെ പിന്തുണയ്ക്കുകയാണ് ഈ പദ്ധതിയുടെ പ്രധാന ലക്ഷ്യം. തിരഞ്ഞെടുക്കപ്പെടുന്ന ഫെലോകൾക്ക് ഇന്ത്യയിലെ പ്രമുഖ സർക്കാർ ഉന്നത വിദ്യാഭ്യാസ സ്ഥാപനങ്ങളിലും ദേശീയ ഗവേഷണ ലബോറട്ടറികളിലും അത്യാധുനിക ഗവേഷണങ്ങൾ നടത്തുന്നതിനുള്ള അവസരം ലഭിക്കും.
ആർക്കൊക്കെ അപേക്ഷിക്കാം?
പ്രശസ്ത വിദേശ സർവകലാശാലകൾ, ഗവേഷണ ലബോറട്ടറികൾ, വ്യവസായങ്ങൾ എന്നിവിടങ്ങളിൽ ജോലി ചെയ്യുന്ന ഇന്ത്യൻ വംശജരായ ഗവേഷകർക്കും പ്രൊഫഷണലുകൾക്കും ഈ പദ്ധതിയിലേക്ക് അപേക്ഷിക്കാം. യോഗ്യതയുടെ അടിസ്ഥാനത്തിൽ അപേക്ഷകരെ മൂന്ന് വിഭാഗങ്ങളായി തിരിച്ചിരിക്കുന്നു.
യംഗ് റിസർച്ച് ഫെലോസ് (YRF): പിഎച്ച്ഡിക്ക് ശേഷം 5 വർഷത്തിൽ താഴെ പ്രവൃത്തിപരിചയമുള്ള ഗവേഷകർ.
സീനിയർ ഫെലോസ് (SF): പിഎച്ച്ഡിക്ക് ശേഷം 5 മുതൽ 10 വർഷം വരെ പ്രവൃത്തിപരിചയമുള്ളവർ.
ഗവേഷണ ചെയറുകൾ (RC): പിഎച്ച്ഡിക്ക് ശേഷം 10 വർഷമോ അതിൽ കൂടുതലോ പരിചയവും ഗവേഷണ നേതൃത്വത്തിൽ തെളിയിക്കപ്പെട്ട റെക്കോർഡുമുള്ള മുതിർന്ന ഗവേഷകർ.
Also Read: UPSSSC 2026! പരീക്ഷാ കലണ്ടർ പുറത്തിറങ്ങി
ലഭിക്കുന്ന ആനുകൂല്യങ്ങൾ
ഗവേഷണ പ്രോജക്റ്റുകൾ ആരംഭിക്കുന്നതിനായി ഒറ്റത്തവണ ഗവേഷണ ഗ്രാന്റ്.
ഇന്ത്യയിലേക്ക് മാറുന്നതിനായുള്ള സ്ഥലംമാറ്റ സഹായം (Relocation Assistance).
രാജ്യത്തെ നൂതന ഗവേഷണ അടിസ്ഥാന സൗകര്യങ്ങളിലേക്കും ലബോറട്ടറി സൗകര്യങ്ങളിലേക്കും നേരിട്ടുള്ള പ്രവേശനം.
മികച്ച അക്കാദമിക് നേതൃത്വത്തിനും ആഗോളതലത്തിലുള്ള അംഗീകാരത്തിനുമുള്ള അവസരങ്ങൾ.
യോഗ്യരായ ഹോസ്റ്റ് സ്ഥാപനങ്ങൾ
തിരഞ്ഞെടുക്കപ്പെടുന്ന ഫെലോകൾക്ക് താഴെ പറയുന്ന ഇന്ത്യയിലെ മുൻനിര സ്ഥാപനങ്ങളിൽ ഗവേഷണം നടത്താം:
NIRF റാങ്കിംഗിൽ (ഓവറോൾ വിഭാഗം) ആദ്യ 100-ൽ ഇടംപിടിച്ച സർക്കാർ ഉന്നത വിദ്യാഭ്യാസ സ്ഥാപനങ്ങൾ.
NIRF എഞ്ചിനീയറിംഗ് വിഭാഗത്തിലെ മികച്ച 100 സ്ഥാപനങ്ങൾ.
NIRF ഗവേഷണ വിഭാഗത്തിലെ മികച്ച 50 സ്ഥാപനങ്ങൾ.
DBT, DST, ICMR, CSIR തുടങ്ങിയ കേന്ദ്ര സർക്കാർ സംഘടനകൾക്ക് കീഴിലുള്ള ദേശീയ ലബോറട്ടറികളും ഗവേഷണ സ്ഥാപനങ്ങളും.
Also Read: നീറ്റ് എംഡിഎസ് 2026! ഫലം പുറത്ത്
എങ്ങനെ അപേക്ഷിക്കാം?
ഔദ്യോഗിക പി.എം.ആർ.സി പോർട്ടൽ pmrc.education.gov.in സന്ദർശിക്കുക.
ഹോംപേജിലെ “Submit Your Proposal” അല്ലെങ്കിൽ “Apply Now” എന്ന ലിങ്കിൽ ക്ലിക്ക് ചെയ്യുക.
ഫെലോ (Fellow) അല്ലെങ്കിൽ ഹോസ്റ്റ് ഇൻസ്റ്റിറ്റ്യൂഷൻ ആയി രജിസ്റ്റർ ചെയ്യുക.
ഒരു ഉപയോക്തൃനാമവും (Username) ഇമെയിൽ വിലാസവും നൽകി രജിസ്ട്രേഷൻ പൂർത്തിയാക്കുക.
അപേക്ഷാ ഫോമിൽ ആവശ്യമായ വിവരങ്ങളും പ്രൊപ്പോസലും നൽകി സമർപ്പിക്കുക.
