സ്വർണ്ണവിലയിൽ കുതിപ്പ്! പവന് 600 രൂപ വർദ്ധിച്ചു

സംസ്ഥാനത്ത് സ്വർണ്ണവില വീണ്ടും ഉയരുന്നു. ഇന്ന് രാവിലെ ഒരു പവൻ സ്വർണത്തിന് 1,10,960 രൂപയായിരുന്ന വില, ഉച്ചയ്ക്ക് ശേഷം ഗ്രാമിന് 75 രൂപയും പവന് 600 രൂപയും വർദ്ധിച്ച് 1,11,560 രൂപയിലെത്തി. ഓൾ കേരള ഗോൾഡ് മെർച്ചന്റ്സ് അസോസിയേഷന്റെ കണക്കുകൾ പ്രകാരം, ഈ മാസത്തെ ഏറ്റവും ഉയർന്ന നിരക്കായ 1,11,720 രൂപയിലേക്ക് (മെയ് 1) വില വീണ്ടും അടുക്കുകയാണ്. മെയ് 5-ന് വില കുറഞ്ഞ് 1,09,400 രൂപയിൽ എത്തിയെങ്കിലും തൊട്ടുപിന്നാലെ വിപണിയിൽ വലിയ വർദ്ധനവാണ് രേഖപ്പെടുത്തിയിരിക്കുന്നത്. നികുതിയും പണിക്കൂലിയും ചേരുമ്പോൾ ജ്വല്ലറികളിൽ നിന്ന് ഒരു പവൻ സ്വർണം വാങ്ങാൻ ഇപ്പോൾ ഈ തുകയേക്കാൾ കൂടുതൽ നൽകേണ്ടി വരും.