സംസ്ഥാനത്ത് ഇന്നും സ്വര്‍ണ്ണവിലയില്‍ വര്‍ദ്ധനവ്. പവന് 440 രൂപയുടെ വര്‍ദ്ധനവാണ് ഇന്നുണ്ടായത്. ഒരു പവന് സ്വര്‍ണ്ണത്തിന്റെ ഇന്നത്തെ വില 53,640 രൂപയാണ്. ഒരു ഗ്രാം സ്വര്‍ണ്ണത്തിന്റെ വില 6,983 രൂപയുമായി. കഴിഞ്ഞ ദിവസത്തെ ഒരു പവന് സ്വര്‍ണ്ണത്തിന്റെ വില 53,200 രൂപയായിരുന്നു.
ഈ മാസം ആദ്യത്തോടെയാണ് ഒരു പവന് സ്വര്‍ണ്ണത്തിന്റെ വില അര ലക്ഷത്തിന്റെ മുകളില്‍ കടന്നത്. ഏപ്രില്‍ രണ്ടിനാണ് സ്വര്‍ണ്ണവിലയില്‍ താരതമ്യേന കുറവ് സംഭവിച്ചത്. അന്നത്തെ ഒരു പവന് സ്വര്‍ണ്ണത്തിന്റെ വില 50,680 രൂപയായിരുന്നു. അതേസമയം, വെളളിവിലയില്‍ വലിയ വ്യത്യാസങ്ങളൊന്നും സംഭവിച്ചിട്ടില്ല.
