സംസ്ഥാനത്ത് സ്വർണവിലയിൽ ഇന്നും വർധനവ് രേഖപ്പെടുത്തി. 22 കാരറ്റ് ഒരു ഗ്രാം സ്വർണത്തിന് 15 രൂപയും പവന് 120 രൂപയുമാണ് ഇന്ന് ഉയർന്നത്. ഇതോടെ ഒരു ഗ്രാം സ്വർണത്തിന് 13,740 രൂപയും ഒരു പവന് 1,09,920 രൂപയുമായി. കഴിഞ്ഞ രണ്ടു ദിവസത്തിനിടെ മാത്രം 4,200 രൂപയുടെ വർധനവാണ് സ്വർണവിലയിലുണ്ടായത്. അതേസമയം, വെള്ളി വിലയിൽ മാറ്റമില്ലാതെ തുടരുന്നു. ഒരു ഗ്രാം വെള്ളിക്ക് 240 രൂപയാണ് ഇന്നത്തെ നിരക്ക്.
അടുത്ത ദിവസങ്ങളിൽ എത്തുന്ന ഓണം വിപണിയിൽ സ്വർണവില കൂടുതൽ ഉയർന്നേക്കുമെന്ന് കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ വ്യക്തമാക്കുന്നു. ഹോർമുസ് കടലിടുക്ക് തുറക്കുന്നതുമായി ബന്ധപ്പെട്ട ധാരണകളും എണ്ണവിലയിലും അമേരിക്കൻ ട്രഷറി ബോണ്ട് ആദായത്തിലുമുണ്ടായ ഇടിവും അന്താരാഷ്ട്ര വിപണിയിൽ സ്വർണത്തെ കൂടുതൽ ആകർഷകമാക്കിയതാണ് വിലക്കയറ്റത്തിന് പ്രധാന കാരണമായി ചൂണ്ടിക്കാണിക്കപ്പെടുന്നത്.
