സംസ്ഥാനത്ത് സ്വർണ്ണവിലയിൽ വൻ വർദ്ധനവ് രേഖപ്പെടുത്തി. ഈ മാസത്തെ ഇതുവരെയുള്ള ഏറ്റവും ഉയർന്ന നിരക്കിലാണ് ഇന്ന് വ്യാപാരം നടക്കുന്നത്. പവന് 1,11,800 രൂപയായും ഗ്രാമിന് 13,975 രൂപയായുമാണ് വില ഉയർന്നത്. കഴിഞ്ഞ കുറച്ചു ദിവസങ്ങളായി വിപണിയിൽ വലിയ മാറ്റങ്ങളാണ് പ്രകടമാകുന്നത്. മേയ് അഞ്ചിന് രേഖപ്പെടുത്തിയ 1,09,400 രൂപയായിരുന്നു ഈ മാസത്തെ ഏറ്റവും കുറഞ്ഞ നിരക്ക്. എന്നാൽ തൊട്ടടുത്ത ദിവസങ്ങളിൽ വില തുടർച്ചയായി ഉയരുകയായിരുന്നു. ഇന്നലെ മാത്രം രണ്ടുതവണയാണ് വിലയിൽ മാറ്റം ഉണ്ടായത്.
സ്വർണ്ണവില കുതിച്ചുയരുമ്പോഴും സംസ്ഥാനത്തെ വെള്ളിവിലയിൽ ഇന്ന് മാറ്റമൊന്നും രേഖപ്പെടുത്തിയിട്ടില്ല. ഗ്രാമിന് 270 രൂപയും കിലോഗ്രാമിന് 2,70,000 രൂപ എന്ന നിരക്കിലുമാണ് വെള്ളിയുടെ വ്യാപാരം നടക്കുന്നത്. അന്താരാഷ്ട്ര വിപണിയിലെ മാറ്റങ്ങളും ഡോളറിനെ അപേക്ഷിച്ച് രൂപയുടെ മൂല്യത്തിലുണ്ടാകുന്ന വ്യതിയാനങ്ങളുമാണ് സാധാരണയായി സ്വർണ്ണ, വെള്ളി വിലകളെ ബാധിക്കുന്നത്. വരും ദിവസങ്ങളിലും വിപണിയിൽ ഈ അസ്ഥിരത തുടരാനാണ് സാധ്യതയെന്ന് ഈ രംഗത്തെ വിദഗ്ധർ വിലയിരുത്തുന്നു.
