തിരുവനന്തപുരം: വന്യജീവി ആക്രമണം തടയാന്‍ 10 മിഷനുകള്‍ക്ക് രൂപം നല്‍കി വനം വകുപ്പ്. കാട്ടാന ആക്രമണത്തില്‍ തുടച്ചായി ആളുകള്‍ മരിച്ച സംഭവങ്ങളുടെ പശ്ചാത്തലത്തില്‍ ചേര്‍ന്ന ഉന്നതതല യോഗത്തിലാണ് തീരുമാനം. എല്ലാ ഫോറസ്റ്റ് ഡിവിഷനുകളിലും വന്യജീവികളുടെ സ്ഥിരം സഞ്ചാരപാതകള്‍, ആനത്താരകള്‍ എന്നിവ തുടര്‍ച്ചയായി നിരീക്ഷിക്കും.
Also Read: കിഫ്ബി സംസ്ഥാന ചരിത്രത്തിലെ നൂതനവും ധീരവുമായ മാതൃകയാണ്; മുഖ്യമന്ത്രി
വന്യജീവി സംഘര്‍ഷ പ്രദേശങ്ങളില്‍ പ്രാദേശികമായി സന്നദ്ധ പ്രതികരണ സേന രൂപീകരിക്കും. ജനവാസമേഖലകളിലേക്ക് വന്യജീവികള്‍ പ്രവേശിക്കുന്നത് തടയാന്‍ സോളാര്‍ ഫെന്‍സിംഗ് ശക്തമാക്കും. ഗോത്ര സമൂഹങ്ങളുടെ പ്രാദേശിക അറിവുകളെ ഉപയോഗപ്പെടുത്തി വന്യജീവി ആക്രമണം തടയുക. വന്യജീവികള്‍ക്ക് ഭക്ഷണവും വെള്ളവും വനത്തില്‍ ഉറപ്പ് വരുത്തും. പാമ്പ് കടിയേറ്റുള്ള മരണം തടയാന്‍ ആന്റിവെനം ഉല്‍പ്പാദനവും വിതരണവും ശക്തമാക്കുക തുടങ്ങിയവയാണ് കര്‍മ്മ പദ്ധതികള്‍. പ്രവര്‍ത്തന രഹിതമായ എസ്റ്റേറ്റുകള്‍ക്ക് നോട്ടീസ് നല്‍കി അടിക്കാടുകള്‍ നീക്കം ചെയ്യാന്‍ ആവശ്യപ്പെടാനും യോഗം തീരുമാനിച്ചു.
