കോന്നി: പത്തനംതിട്ട കൂടലിൽ മകനെ ക്രൂരമായി മർദിച്ച പിതാവിനെ പൊലീസ് പിടികൂടി. കൂടൽ നെല്ല് മുരിപ്പ് സ്വദേശി രാജേഷിനെയാണ് കൂടൽ പൊലീസ് അറസ്റ്റ് ചെയ്തത്. പതിമൂന്നുകാരനായ മകനെ രാജേഷ് മർദിക്കുന്നതിന്റെ ദൃശ്യങ്ങൾ പുറത്തു വന്നിരുന്നു. എപ്പോഴാണ് ഈ മർദനം നടന്നതെന്നതിൽ വ്യക്തത വന്നിട്ടില്ല.
ദൃശ്യങ്ങൾ സഹിതം ശിശുക്ഷേമ വകുപ്പ് പൊലീസിൽ പരാതി നൽകിയതിന് പിന്നാലെയാണ് പ്രതിയെ പൊലീസ് അറസ്റ്റ് ചെയ്തിരിക്കുന്നത്. ബെൽറ്റ് പോലെയുള്ള വസ്തു ഉപയോഗിച്ച് കുട്ടിയെ പിതാവ് അടിക്കുന്നതും കുട്ടി വേദന കൊണ്ട് കരയുന്നതും രാജേഷ് ആക്രോശിക്കുന്നതും ആണ് പുറത്ത് വന്ന ദൃശ്യങ്ങളിൽ ഉള്ളത്.
