ഡല്ഹി: ജമ്മു കശ്മീരിലെ പുല്വാമയില് സുരക്ഷാ സേനയും ഭീകരരും തമ്മില് ഏറ്റുമുട്ടല്. പുല്വാമയിലെ ഫ്രാസിപൊരയിലാണ് സുരക്ഷാസേനയും ഭീകരരും തമ്മില് ഏറ്റുമുട്ടുന്നത്. ഏറ്റുമുട്ടലിലെ കൂടുതല് വിവരങ്ങള് ലഭ്യമായിട്ടില്ല. ഇന്ന് പുലർച്ചയോടെയാണ് ഏറ്റുമുട്ടല് ആരംഭിച്ചത്. ഏറ്റുമുട്ടലില് ഒരു ഭീകരന് കൊല്ലപ്പെട്ടതായും റിപ്പോര്ട്ടുകളുണ്ടെങ്കിലും ഇക്കാര്യം സ്ഥിരീകരിച്ചിട്ടില്ല. പുല്വാമയിലെ അര്ഷിപൊരയിലാണ് ഏറ്റുമുട്ടല് ആദ്യം ആരംഭിച്ചത്.
പരിശോധന നടത്തുന്നതിനിടെ സുരക്ഷാ സേനയ്ക്കുനേരെ ഭീകരര് വെടിയുതിര്ക്കുകയായിരുന്നുവെന്നും ഉടന് തന്നെ തിരിച്ചടിച്ചുവെന്നും പൊലീസ് അറിയിച്ചു. സ്ഥലത്തേക്ക് കൂടുതല് സുരക്ഷാ സേനാംഗങ്ങള് എത്തിയിട്ടുണ്ട്.പ്രദേശത്ത് ഭീകരരുടെ സാന്നിധ്യമുണ്ടെന്ന രഹസ്യവിവരത്തെതുടര്ന്ന് സുരക്ഷാ സേന പരിശോധനയ്ക്ക് എത്തിയപ്പോഴാണ് ഏറ്റുമുട്ടലുണ്ടായത്.
