മുടിയിഴകളെ സ്ട്രോം​ഗ് ആക്കാം, കഴിക്കാം ഈ ഏഴ് പഴങ്ങൾ

നമ്മുടെ ശരീരത്തിനും സൗന്ദര്യത്തിനും എന്നപോലെ മുടിയുടെ ആരോ​ഗ്യത്തിനും പഴങ്ങൾ പ്രധാന പങ്കാണ് വഹിക്കുന്നത്. അവശ്യ വിറ്റാമിനുകളും ധാതുക്കളും അടങ്ങിയിട്ടുള്ള പഴങ്ങൾ നമ്മുടെ മുടി വേ​ഗത്തിൽ വളരുന്നതിന് സഹായിക്കുന്നു. കൂടാതെ, ഇത് മുടി പൊട്ടുന്നത് തടയാനും മുടി കൊഴിച്ചിൽ കുറയ്ക്കാനും സഹായിക്കും. മുടിയുടെ ആരോ​ഗ്യത്തിനായി കഴിക്കാം ഈ പഴങ്ങൾ.

വാഴപ്പഴം

പൊട്ടാസ്യം അടങ്ങിയിട്ടുള്ള വാഴപ്പഴം മുടി വളരാൻ ഏറ്റവും ഫലപ്രദമായ പഴങ്ങളിൽ ഒന്നാണ്. ഇത് ആരോഗ്യകരമായ തലയോട്ടി നിലനിർത്താൻ നമ്മെ സഹായിക്കും. ഒപ്പം മുടി വളർച്ചയ്ക്ക് ഏറെ നിർണായകവുമാണ്. വിറ്റാമിൻ ബി 6 ഉം ഇതിലുണ്ട്. ഇത് തലയോട്ടിയിലേക്ക് ഓക്സിജൻ എത്തിക്കുകയും മുടി വളർച്ച ​വേ​ഗത്തിലാക്കുകയും ചെയ്യും.

പേരയ്ക്ക

പേരയ്ക്കയിൽ വിറ്റാമിൻ സി അടങ്ങിയിട്ടുള്ളതിനാൽ ഇത് മുടിക്ക് കരുത്ത് നൽകുന്നു. കൂടാതെ മുടി പൊട്ടുന്നത് തടയുന്നു. മുടി വളർച്ചയെ സഹായിക്കുന്ന പോഷകങ്ങൾ ഇവയിലുണ്ട്.

Also Read :ദിവസവും പ്ലം കഴിക്കാം, ​ഗുണങ്ങളൊത്തിരി

ഓറഞ്ച്

ഈ പഴത്തിൽ വിറ്റാമിൻ സി ധാരാളമായി അടങ്ങിയിട്ടുണ്ട്. മുടികൊഴിച്ചിൽ തടയാനും ഞരമ്പുകളെ ശക്തമാക്കാനും ഇവക്ക് കഴിയും. കൊളാജൻ ഉൽപാദനത്തിനും ഇത് സഹായിക്കുന്നു. കൂടാതെ, ഓറഞ്ച് പോലുള്ള സിട്രസ് പഴങ്ങളുടെ തൊലിയിൽ അടങ്ങിയിരിക്കുന്ന ലിമോണീൻ മുടികൊഴിച്ചിൽ അകറ്റാൻ സഹായിക്കും.

പെെനാപ്പിൾ

വിറ്റാമിൻ സിയും കാൽസ്യവും അടങ്ങിയിരിക്കുന്നതിനാൽ മുടിവളർച്ചക്ക് ഇവ ഏറെ നല്ലതാണ്. രണ്ട് വിറ്റാമിനുകളും മുടി കൊഴിച്ചിൽ തടയാൻ സഹായിക്കും. അതേസമയം വിറ്റാമിൻ സി മുടിയെ ശക്തമാക്കുകയും കേടുപാടുകൾ അകറ്റുന്നതിനും സഹായിക്കുന്നു.

Also Read : രോഗ പ്രതിരോധശേഷി കൂട്ടാന്‍ സഹായിക്കുന്ന ഭക്ഷണങ്ങള്‍

സ്ട്രോബെറി

വിറ്റാമിൻ സി അടങ്ങിയിട്ടുള്ള പഴമാണ് സ്ട്രോബെറി. ഇത് ഇരുമ്പ് നന്നായി ആഗിരണം ചെയ്യാൻ സഹായിക്കുന്നു. മുടികൊഴിച്ചിൽ തടയുന്ന വിറ്റാമിൻ ബി 5 യും ഇതിൽ അടങ്ങിയിട്ടുണ്ട്.

അവോക്കാഡോ

മുടി വളർച്ചയ്ക്ക് സഹായിക്കുന്ന മറ്റൊരു പഴമാണ് അവോക്കാഡോ. മുടിക്ക് ഈർപ്പം നൽകാൻ സഹായിക്കുന്ന ആരോഗ്യകരമായ കൊഴുപ്പുകളാൽ ഇവ സമ്പന്നമാണ്. ഇത് മുടി വരളുന്നതും പൊട്ടുന്നതും തടയുന്നു. ഇതുകൂടാതെ, വിറ്റാമിൻ ഇ, ബി, സി എന്നിവയാൽ സമ്പുഷ്ടമാണ് അവോക്കാഡോ.

പീച്ച്

കൊളാജൻ ഉത്പാദിപ്പിക്കാൻ സഹായിക്കുന്ന ശക്തമായ ആൻ്റിഓക്‌സിഡൻ്റുകൾ പീച്ചിൽ അടങ്ങിയിട്ടുണ്ട്. അതുകൊണ്ട് തന്നെ മുടി വളർച്ചയ്ക്ക് ഏറ്റവും മികച്ച പഴങ്ങളിൽ ഒന്നാണ് പീച്ച്. ആരോഗ്യമുള്ള തലയോട്ടിയ്ക്കും സെബം ഉൽപാദനത്തിന് സഹായിക്കുകയും ചെയ്യുന്ന വിറ്റാമിൻ എയും പീച്ചിൽ അടങ്ങിയിട്ടുണ്ട്. മുടി പൊട്ടുന്നത് തടയാനും പീച്ച് വളരെ നല്ലതാണ്.