വളരെ ഹെല്‍ത്തിയായ ഒന്നാണ് ഓംലെറ്റ്. കുട്ടികളുടെയും ഇഷ്ട്ട വിഭവമാണിത്. വളരെ എളുപ്പത്തില്‍ ഉണ്ടാക്കാമെന്നതാണ് ഇതിന്റെ മേന്മ. എന്നാല്‍ ചിക്കന്‍ ഓംലെറ്റ് ആയാലോ? ഏറെ എളുപ്പത്തില്‍ ഉണ്ടാക്കി കുട്ടികള്‍ക്ക് കൊടുക്കാവുന്ന ചിക്കന്‍ ഓംലെറ്റ് ഇതാ..
ആവശ്യമുള്ള സാധനങ്ങള്‍
ചിക്കന്‍-100 ഗ്രാം
മുട്ട-2
ക്യാപ്‌സിക്കം- ഒരു കപ്പ്
സവാള- ഒരു കപ്പ്
സ്പ്രിംഗ് ഒണിയന്‍- 1 കപ്പ്
കുരുമുളകുപൊടി- കാല്‍ ടീസ്പൂണ്‍ പച്ചമുളക്-5
മുളകുപൊടി- അര ടീസ്പൂണ്‍
ചെറുനാരങ്ങാനീര്- കാല്‍ടീസ്പൂണ്‍
ഉപ്പ്
എണ്ണ
Also Read: പൊട്ടറ്റോ ചിക്കൻ ട്രയാംഗിൾ തയ്യാറാക്കിയാലോ?
തയ്യാറാക്കുന്ന വിധം
ചിക്കന്‍ തീരെ ചെറിയ കഷ്ണങ്ങളാക്കി മുറിയ്ക്കുക. ഇത് ഓവനിൽ വച്ചു ബേക്ക് ചെയ്യാം. ഇതു വാങ്ങി വച്ച് ചെറുനാരങ്ങാനീര് ചേര്‍ത്തിളക്കുക. ഒരു പാത്രത്തിൽ മുട്ട പൊട്ടിച്ചൊഴിച്ച് ഇതിലേക്ക് സവാള,ക്യാപ്‌സിക്കം, സ്പ്രിംഗ് ഒണിയന്‍,കുരുമുളകുപൊടി,മുളകുപൊടി, ഉപ്പ് എന്നിവ ചേർത്ത് ഇളക്കുക. ഒരു പാൻ അടുപ്പിൽ വെച്ച് ശകലം എണ്ണ ഒഴിക്കുക. മിശ്രിതം പാനിലേക്ക് ഒഴിക്കുക. ഓംലറ്റ് ഒരുവിധം വേവാകുമ്പോള്‍ ചിക്കന്‍ മിശ്രിതം ഇതിന്റെ ഒരു ഭാഗത്തു വച്ച് മറുഭാഗം മടക്കുക. ഇത് തിരിച്ചു വച്ചും വേവിയ്ക്കുക. ചിക്കന്‍ ഓംലെറ്റ് തയ്യാര്‍.
