ഡല്ഹി: രാജ്യ തലസ്ഥാനത്ത് രണ്ട് ദിവസത്തിനുള്ളില് ശീതതരംഗത്തിന് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. യെല്ലോ അലര്ട്ടും പ്രഖ്യാപിച്ചിട്ടുണ്ട്.14 വര്ഷത്തിനിടെ ആദ്യമായി താപനില അഞ്ച് ഡിഗ്രിക്ക് താഴെയായത്. ഇതോടെയാണ് അധികൃതര് മുന്നറിയിപ്പുമായി രംഗത്തെത്തിയത്.
1987 ഡിസംബര് ആറിന് റിപ്പോര്ട്ട് ചെയ്ത 4.1 ഡിഗ്രി താപനിലയാണ് ഇതുവരെ റിപ്പോര്ട്ട് ചെയ്യപ്പെട്ട ഏറ്റവും കുറഞ്ഞ താപനില. കുറഞ്ഞ സാധാരണ പകല് താപനിലയില് നിന്ന് 4.5 മുതല് 6.4 ഡിഗ്രി സെല്ഷ്യസ് വരെ കുറയുമ്പോഴാണ് ശീത തരംഗം സംഭവിക്കുന്നത്. മൈനസ് 6.4 ഡിഗ്രി സെല്ഷ്യസില് കൂടുതലാണെങ്കില് കടുത്ത ശീത തരംഗമായി കണക്കാക്കുന്നു. ഡിസംബര് 11 മുതല് 13 വരെയുള്ള ദിവസങ്ങളില് ശീത തരംഗം സംഭവിക്കുമെന്നാണ് മുന്നറിയിപ്പുള്ളത്.
Also Read: ബംഗളൂരുവിൽ ടെക്കി യുവാവിന്റെ ആത്മഹത്യ; പ്രതികരണവുമായി നടിയും എം.പിയുമായ കങ്കണ
കേന്ദ്ര മലിനീകരണ നിയന്ത്രണ ബോര്ഡിന്റെ കണക്കുപ്രകാരം 199 ആണ് ഡല്ഹിയിലെ വായുഗുണനിലവാര സൂചിക. ഇത് അപകടകരമായ അവസ്ഥയാണ്. ഇതിനൊപ്പം ശീത തരംഗം കൂടിയെത്തിയാല് അത് ഗുരുതരമായ ആരോഗ്യപ്രശ്നങ്ങള്ക്ക് ഇടയാക്കുമെന്നും ആശങ്കയുയരുന്നുണ്ട്.
