ഡൽഹി: കുറഞ്ഞ വിലയിലുള്ള റീച്ചാര്‍ജ് കൂപ്പണുകള്‍ അവതരിപ്പിക്കുന്നതില്‍ മുന്നിലാണ് ബിഎസ്എന്‍എല്‍. ഇതിന്റെ ഒരു ബജറ്റ്-ഫ്രണ്ട്‌ലി റീച്ചാര്‍ജ് കൂപ്പണ്‍ പരിചയപ്പെടാം. സൗജന്യ കോളും എസ്എംഎസും മാത്രം ആവശ്യമുള്ളവരെ ലക്ഷ്യമിട്ടുള്ള റീച്ചാര്‍ജ് പ്ലാനാണിത്. മികച്ച വാലിഡിറ്റിയും ഈ പ്ലാനിനെ ആകര്‍ഷകമാകുന്നു.
439 രൂപയ്ക്ക് റീച്ചാര്‍ജ് ചെയ്താല്‍ 90 ദിവസത്തെ വാലിഡിറ്റിയുള്ള പ്ലാനാണിത്. ഇക്കാലയളവില്‍ സൗജന്യ കോളുകള്‍ ലഭിക്കും. രാജ്യവ്യാപകമായി ഈ കോളിംഗ് സൗകര്യം ഉപയോഗിക്കാം. ഇതിന് പുറമെ 90 ദിവസത്തേക്ക് 300 എസ്എംഎസുകളും ഉപയോഗിക്കാം.
Also Read: വരുന്നൂ സാംസങ് അൾട്രാ-തിൻ ഗാലക്‌സി എസ്25 എഡ്‍ജ് !
സ്വകാര്യ ടെലികോം കമ്പനികള്‍ താരിഫ് നിരക്കുകള്‍ വര്‍ധിപ്പിച്ചതിന് പിന്നാലെ ബിഎസ്എന്‍എല്‍ വിലക്കുറവുള്ള റീച്ചാര്‍ജ് പാക്കുകളുമായി കളംനിറയുകയാണ്. റിലയന്‍സ് ജിയോ, ഭാരതി എയര്‍ടെല്‍, വോഡാഫോണ്‍ ഐഡിയ (വിഐ) എന്നീ കമ്പനികള്‍ക്ക് റീച്ചാര്‍ജ് ആനുകൂല്യങ്ങളുടെ കാര്യത്തില്‍ ബിഎസ്എന്‍എല്‍ ശക്തമായ മത്സരം കാഴ്ചവെക്കുന്നു.
