തിരഞ്ഞെടുപ്പിലെ ജയവും തോൽവിയുമൊക്കെ കഴിഞ്ഞെങ്കിലും, ഇഷ്ടമില്ലാത്ത റീലുകൾ സോഷ്യൽ മീഡിയ അൽഗോരിതം വഴി തുടർച്ചയായി മുന്നിലെത്തുന്നത് പലപ്പോഴും ഉപയോക്താക്കൾക്ക് അലോസരമുണ്ടാക്കാറുണ്ട്. എന്നാൽ, ഇത്തരം ഉള്ളടക്കങ്ങളെ ഫലപ്രദമായി നിയന്ത്രിക്കാനും തങ്ങളുടെ ഫീഡ് ശുദ്ധീകരിക്കാനും മെറ്റാ പ്ലാറ്റ്ഫോമുകൾ തന്നെ ചില സംവിധാനങ്ങൾ നൽകുന്നുണ്ട്. ഈ സംവിധാനങ്ങൾ എങ്ങനെ ഉപയോഗിക്കാമെന്ന് നമുക്ക് പരിശോധിക്കാം.
ആദ്യ മാർഗം ‘Not Interested’ കൊടുക്കുക:
സോഷ്യൽ മീഡിയ ഫീഡിൽ (ഉദാഹരണത്തിന് ഇൻസ്റ്റാഗ്രാമിൽ) നിങ്ങൾക്ക് ഇഷ്ടമില്ലാത്തതോ അല്ലെങ്കിൽ സമാനതകളുള്ളതോ ആയ റീലുകൾ വീണ്ടും കാണുന്നത് ഒഴിവാക്കാൻ ഒരു ലളിതമായ മാർഗ്ഗമുണ്ട്. ഇഷ്ടപ്പെടാത്ത ഒരു റീൽ കാണുന്ന സമയത്ത്, അതിൻ്റെ മുകളിലോ താഴെയോ കാണുന്ന മൂന്ന് ഡോട്ടുകളിൽ (⋮) ക്ലിക്ക് ചെയ്യുക. തുടർന്ന് വരുന്ന ഓപ്ഷനുകളിൽ നിന്ന് “Not Interested” (താൽപര്യമില്ല) എന്നത് തിരഞ്ഞെടുക്കുക. ഇങ്ങനെ ചെയ്യുന്നത് വഴി, ഈ റീലുമായി സാമ്യമുള്ള മറ്റ് വീഡിയോകൾ നിങ്ങളുടെ ഫീഡിൽ പിന്നീട് വരുന്നത് കുറയ്ക്കാനും കാണാനാഗ്രഹിക്കുന്ന ഉള്ളടക്കം മാത്രം നൽകാനും സോഷ്യൽ മീഡിയയുടെ അൽഗോരിതത്തെ സഹായിക്കും.
Also Read: പ്രപഞ്ചത്തിലെ ‘ദിനോസർ നക്ഷത്രങ്ങൾ’! ജെയിംസ് വെബ്ബ് ദൂരദർശിനി ആദ്യ തെളിവുകൾ കണ്ടെത്തി
വാക്കുകളാല് നിയന്ത്രിക്കാം:
പ്രത്യേക വിഷയങ്ങളുമായി ബന്ധപ്പെട്ട റീലുകൾഒഴിവാക്കണമെന്നുണ്ടെങ്കിൽ, ആ വാക്കുകൾ സെറ്റിങ്സിൽ പോയി ബ്ലോക്ക് ചെയ്യാം.
Settings and privacy > Suggested content > Specific words and phrases എന്നതിൽ പോയി വേണ്ടാത്ത വാക്കുകൾ ചേർക്കുക.
സെൻസിറ്റീവ് കണ്ടന്റ് കുറയ്ക്കാം:
Settings and privacy > Suggested content > Sensitive content എന്നതിൽ പോയി “Less” എന്നത് തിരഞ്ഞെടുക്കുക.
താൽപര്യമില്ലാത്ത റീലുകൾ വന്നാൽ മുകളിലേക്ക് സ്ക്രോൾ (Scroll) ചെയ്തു കളയുക. നമ്മൾ ഒരു വിഡിയോ മുഴുവൻ കണ്ടാൽ, നമുക്ക് അതിൽ താല്പര്യമുണ്ടെന്ന് കരുതി അൽഗൊരിതം വീണ്ടും അത്തരം വിഡിയോകൾ കാണിക്കും.
